DEEL 2 Reïnkarnasie - Ja of nee? - Nuweopenbaring

siel suiwer en al die onedele in die teendeel omsit. En die liefde het as
begeleier ook dikwels die leed, wat vooraf harde omhulsels oplos, wat
steeds nog weerstand bied teen die liefde. Dus is liefde en leed die
louteringsmiddele van die siel en liefde en leed kan die mense met slegte
eienskappe verander in deugsame mense, dit kan die hoogmoed breek en
die ware deemoed in die hart van die mens te voorskyn roep, dit kan die
ongeduldiges tot sagmoedigheid en geduld opvoed, dit kan tot
barmhartigheid aanspoor en die geregtigheid na vore laat kom. Dit kan die
hele wese van die mens verander en dus nog op aarde die siel vergeestelik.
En daarom moet julle voortdurend liefde beoefen en alle leed geduldig op
julle neem. Julle moet die kruis dra wat julle opgelê word en daarby
voortdurend julle beste doen om vir julle medemens die leed ver weg te
hou, om hulle gelukkig te maak en ook hulle te help om hul
sielsvolwassenheid te verkry, deurdat julle hulle dus die evangelie van die
liefde preek en hulle dit ook uitleef. Die mens moet bewustelik die arbeid
aan sy siel verrig, hy moet hom van alle ondeugde en begeertes self
probeer vrymaak en die krag daartoe sal vir hom vermeerder in die liefde,
wat hy weer in praktyk kan bring by sy naaste.
En word leed hom opgelê, dan moet hy die leed eweneens beskou as ‘n
middel om homself te voltooi, omdat dit vir hom min help, indien die liefde
nog te swak is. Die siel moet kristalhelder sy liggaam kan verlaat om, met
lig deurstraal, binne te kan gaan in die ryk hierna. Maar julle mense het
nog minder of meer omhullings om op te los wat hierdie ligstraling teenhou
vir die siel. Julle sal nog aan julself moet werk om die deugde te ontplooi
wat ‘n siel moet versier, julle sal deemoedig, sagmoedig, vredeliewend,
barmhartig, regverdig en geduldig moet word en dit vereis ‘n bewustelike
arbeid aan julself, wat daarom dikwels deur leed van allerlei aard bevorder
word.
En so moet julle ook die seën van die lyding insien wat ‘n verlossende
betekenis het, dat dit nie steeds as straf vir sondes beskou moet word nie,
veeleer dikwels alleen as ‘n werksame middel om die volwassenheid van
siel te verkry. Al julle slegte gewoontes en begeertes moet julle aflê en dit
verg dikwels ‘n stryd, wat julle egter in die toestand van liggaamlike lyding
baie makliker opval as in ‘n toestand van liggaamlike welsyn, wat eerder
geskik is om sulke kwaad te vergroot as te verklein. Ek het nie sommer net
die woorde: "Wie My wil navolg neem sy kruis op" uitgespreek nie.
Wel het Ek vir julle sondeskuld aan die kruis gesterf, al die leed het Ek op
My geneem, daardeur het Ek dit moontlik gemaak, dat julle vry sal kan
word, dat julle krag verkry. Terwille van die verlossingswerk kan al julle
sondes vergewe word en dus is julle ook die ingaan in die lig ryk verseker,
as julle My en My verlossingswerk erken en ‘n beroep doen op die
barmhartigheid van die verlossingswerk, deurdat julle My vra om verlossing
en vergewing van julle skuld. Maar tog word daar vir julself ‘n sekere siele-
491