DEEL 2 Reïnkarnasie - Ja of nee? - Nuweopenbaring

Hulle kan nie teen hulle wil uit hulle ellendige staat verlos word nie. Om
egter die goeie te kan wil is julle voorspraak nodig, ‘n gebed, wat hulle in
liefde geskenk word as hulle so in julle gedagtes dring. Want julle moet
weet dat die siel julle om hulp smeek as hulle hul in julle gedagtes opdring.
En dat die siele wat op julle hulp hoop julle voortdurend omring en dat julle
die gedagtes aan oorledenes nie uit onwil mag terug dwing nie, as julle hul
kwellinge nie wil vererger nie.
Om julle en julle vrye wil nie te benadeel nie bly die lot van hierdie siele
aan julle verborge. Dit is twee wêrelde waar julle en die oorlede siele hulle
in bevind. Daar is ‘n grens getrek en ‘n blik in hul wêreld is julle ontsê.
Maar tog bestaan dit en julle kan hul uit julle wêreld baie liefde verkondig,
wat sy uitwerking op ‘n sodanige manier het en van so'n groot omvang is,
dat tallose siele hul toestand kan ontvlug. Dink kragtig aan hierdie arme
siele en skenk aandag aan hul nood. Want wat julle vir hulle doen in
medelydende liefde sal julle ryklik beloon word, deurdat julle op aarde
reeds geestelike hulp ten deel val deur al die siele wat uit die duisternis al
tot die lig gekom het. Amen
Die kluistering van Satan - Die nuwe aarde
5769 14 September 1953
Die mag van die bose sal vir ‘n lang tyd gebreek word, want Satan sal in
kettings gelê word. ‘n Tyd van vrede sal die tyd van stryd in die heelal aflos
en geen wese van die duisternis sal die mense op aarde meer kan verdruk
nie. Satan self en ook sy aanhang sal vir ‘n lang tyd gekluister wees en die
mense op die nuwe aarde sal nie sy kettings ontbind nie, omdat hulle innig
met Jesus verbind is en niks meer sal nastreef buiten Hom nie, Wie hulle
nou in liefde versorg, geestelik en ook liggaamlik.
Die tyd van vrede op die nuwe aarde is ‘n vereffening wat die mense
beskore is wat Jesus trou is en wil bly, vir die tyd van onbeskryflike leed in
die laaste tyd op hierdie aarde. Dit sal vir hulle waarlik ‘n tyd van stryd
wees, want hulle sal vervolg word na liggaam en gees. En hulle sal hulself
nouliks teen hulle verdrukkers verweer, wat selfs hulle lewe sal bedreig as
hulle hulself nie aan hulle wil onderwerp nie.
Maar vir hierdie mense word steeds weer ‘n tyd van vrede beloof deur
sieners en profete. ‘n Tyd waarin geen gevaar hulle meer sal bedreig nie en
waarin die liggaam en die siel hulself mag verkwik aan die wonderwerke
van Jesus se liefde; waarin ‘n salige vrede hulle hart sal vervul deur die
teenwoordigheid van Hom, Wie hulle liefhet en vir Wie hulle gely het. Alles
sal vredevol wees en skepping en skepsele sal in harmonie wees met
mekaar. En die geestelike wat ook nog gekluister is, sal moeite doen om
vooruit te kom, omdat hulle die nabyheid bespeur van Hom aan Wie hulle
hulself weer moet oorgee. En ook omdat die geestelike uitstraling van die
mense die gekluisterde in die skepping weldadig beïnvloed.
198