DEEL 2 Reïnkarnasie - Ja of nee? - Nuweopenbaring

Die verwysing na die einde en na die natuurkatastrofe wat die einde sal
voorafgaan, word steeds weer op verskillende maniere vir die mense
voorgehou. Sowel in verband met die verkondiging van My evangelie van
die liefde, asook in verhouding tot die wêreldgebeure, wat die mense sal
laat dink en dat die verkondigers van My evangelie uit hulle pad sal moet
gaan, maar dat hulle tog aangespreek moet word. Waar My woord nog
aangehoor sal word, is die verbinding met My ook nog moontlik, of nog nie
verbreek nie. Dit sal makliker wees om die komende gebeure te laat glo,
omdat daar altyd op ‘n einde van die aarde gewys word deur My woord, net
so op die tekens wat so ‘n einde aankondig.
Dit is uiters moeilik om die mense te benader om hulself heeltemal los te
maak van kerklike organisasies; wat hulself na die wêreld wend of alleen
nog maar wêreldse gewin tot hulle lewensinhoud maak. Ook dit wil Ek
aanspreek en waar dit nie deur My werktuie op aarde moontlik sal wees
nie, kan Ek alleen nog deur wêreldgebeure spreek. Ongevalle, katastrofes
en vernietigings deur die natuur kan hulle miskien nog tot nadenke stem en
dan is dit moontlik dat hulle sulke gebeurtenisse in verband sal bring met
die voorspellings van ‘n naderende einde, wat ook nie hulle ore sal
verbygaan nie, selfs as hulle nog dienare van die wêreld is. En dit sal in die
komende tyd nie aan oproepe ontbreek nie, wat in My opdrag, die mense
moet wakker skud uit hulle diep sieleslaap. Ek wil hom wat geheel afsydig
staan ook nog wen, op wie kerklike geloofsleringe geen vat het nie, wat
egter aan ‘n duidelike verklaring van die doel en die betekenis van die
skepping en aan die lewensdoel van die mens, gewilliger hulle oor sal leen.
Daarom moet aan hulle ‘n logiese motivering vir die wêreldgebeure gegee
word, sodat hulle tot die geloof in ‘n hoër Mag gebring kan word wat vol
Liefde en Wysheid heers in die heelal.
Ek beskik oor baie middele en weë, dus het Ek ook dienare op aarde nodig
wat oor verskillende aanlegte beskik en daarom tot arbeid van verskillende
aard in My wingerd aangestel kan word. Ek plaas al hierdie arbeiders
werklik op die korrekte plekke, waar hulle suksesvol besig kan wees. Maar
elkeen van hulle het die opdrag om die mense van die naderende einde in
te lig, want gelowiges en ongelowiges moet weet dat hulle in die laaste
barmhartigheidstyd lewe wat hulle goed moet en kan gebruik om nie die
einde te vrees nie. En almal moet ook in kennis gestel word van wat Ek
beoog met allerlei verskillende wêreldgebeurtenisse, met ongewone
smartlike voorvalle, met siekte en nood. Want dit is slegs My liefde wat dit
alles oor die mense laat kom, sodat hulle nog tot geestelike volwassenheid
kan kom en die weg na My toe sal vind voor die einde. Amen
432