DEEL 2 Reïnkarnasie - Ja of nee? - Nuweopenbaring

verlig en sal daarom ook altyd in staat wees om die waarheid van die
dwaling te onderskei. Amen
Verkeerde, oordrewe ywer
6783 13 Maart 1957
Die veld wat julle sal moet bewerk, sal in sy omvang steeds ooreenkom
met julle wil om aktief te wees en met julle geskiktheid. Dit kan heel groot
wees as julle julself volledig en heeltemal daarvoor insit en dit kan slegs ‘n
geringe omvang hê, na gelang van julle wil en julle ywer om diensbaar te
wees, want Ek oefen geen druk of dwang uit nie, Ek gee soos julle dit wil
hê. Baie van My arbeiders in die wingerd dryf hulself te veel in soverre dat
hulle bo hulle kragte probeer werk en self vir hulle opdragte oplê waarvoor
Ek hulle nie aangestel het nie, sodat hulle eiemagtig gebiede wil bewerk
vanuit ‘n sekere eersug met die bedoeling om hulle te wil onderskei.
En daarom sal hulle meer skade aanrig as seën, want hulle begeef hulle
deur hul eersug buite My terrein en vir My teenstander beteken dit ‘n
welkome geleentheid om nou sy aanwysings te gee, waaraan daar ook
dikwels gehoor geskenk word. En dit is die gevaar wat vir elke arbeider in
die wingerd dreig, wat hom nie streng by My aanwysings hou nie, wat
gedryf word deur oordrewe ywer, omdat die innerlike deemoed hom verlaat
het, omdat hy baie wil bereik, maar nie baie sal help nie.
Dit is maar ‘n klein verskil, maar al My arbeiders in die wingerd sal hulself
ernstig moet ondersoek, welke motief hulle aanspoor om in die wingerd te
werk. Hulle moet nie versuim om My in stille gebed te vra vir My
aanwysings nie en moet dan altyd dit doen waartoe hulle hul innerlik
aangespoor voel. Maar hulle moet hulle nie voorneem om arbeid te verrig
wat Ek hulle nie opgedra het en wat daarom meer as wêreldlike arbeid
bestempel moet word, ofskoon hulle skynbaar geestelike doeleindes beoog.
Julle weet nie met watter middele My teenstander werk nie en hoe maklik
hy julle in sy nette kan verstrik nie, maar julle hoef nie sy slagoffer te word
nie, solank julle julself in diepste deemoed onder My plaas en altyd begeer
om slegs deur My gelei te word. Maar Ek sal geen gebied aan julle toewys
om te bewerk solank julle die gebied nie beheers nie.
Betree julle dit egter sonder My opdrag, dan word julle deur die teenparty
beïnvloed, omdat hy julle swakhede ken om op die voorgrond te wil tree.
En hy is julle nou ook van diens soos julle dit begeer. Baie dikwels het
mense hierdie weg gegaan, hulle wat bereid was om My te dien, maar wat
nie in ‘n klein kringetjie wou werk nie, maar vir hulself ‘n werkterrein
gesoek het waar hulle meer in die openbaar kon tree sonder dat hulle van
My die opdrag verkry het. En dikwels voer hulle werksaamhede uit, sonder
om te bemerk deur wie hulle daartoe gebring is. En so was dit aanvanklik
moontlik dat goeie knegte ongeskik geword het vir die werk in My wingerd,
526