DEEL 2 Reïnkarnasie - Ja of nee? - Nuweopenbaring

word nie, maar maak julle met die gedagte vertroud om nog maar ‘n kort
tyd gas te wees op hierdie aarde. Hierdie gedagte sal julle bewuster laat
lewe en julle sal julle tot My wend om hulp, wanneer julle in My sal glo as
julle God Skepper.
Dink dan aan julle lewe tot nou toe en vra julself af of julle lewenswandel
korrek was voor My oë. Want julle ken My gebooie en julle almal weet dat
die liefde die eerste en vernaamste is, dat julle sonder liefde nooit tot
geluksaligheid sal kan kom nie en wanneer julle aan julself sal moet beken
of julle lou en onverskillig was teenoor die gebod van die liefde, haal dit
dan in. Want daar word vir julle baie geleenthede gegee om te werk in die
liefde. Oral om julle sal julle nood sien en julle sal helpend kan ingryp, julle
moet maar slegs die wil hê om goed en regverdig te lewe en ag te slaan op
die gebooie van die liefde, wat Ek julle alleen terwille van julle sieleheil
gegee het.
En dink steeds aan julle Verlosser Jesus Christus. Roep Hom aan, dat Hy
julle gedagtes mag lei, sodat julle sal ag gee om die Goddelike Wil uit te
voer. Dan roep julle Myself aan en laat My blyk dat julle by My wil regkom
en dan gaan julle ook die regte weg, die weg wat Jesus Christus julle
voorgegaan het. Die einde kom onherroeplik en dit het niks te make met
hoe dit dan met julle siele gesteld is nie. Maar julle het nog steeds tyd om
julself voor te berei en daarom kom die waarskuwende Stem steeds weer
van bo na julle toe: Dink aan die einde. Dit is maar net My Liefde wat julle
wil red van die verderf, maar Ek sal julle nooit dwing nie en julle daarom
aanspreek in ‘n vorm wat julle kan glo as julle gewillig is. As julle egter
goed sou oplet, sal julle veel opmerk wat julle sou kan laat glo.
‘n Periode loop ten einde en ‘n nuwe een begin. En dit gaan maar net in
vervulling, wat voortdurend voorspel was deur sieners en profete. Want ook
hulle het in My opdrag gespreek en dieselfde aangekondig wat Ek nou vir
julle sê, maar julle wil is vry; soos wat julle wil egter is, so sal ook julle lot
wees wanneer julle aardse lewe verby is. Julle sal in geluksaligheid kan
lewe; maar ook ten prooi val aan die dood, ‘n eindelose lange tyd van
kwelling en duisternis, waaruit julle julself nie sal kan bevry nie. Amen
Verstandelike kennis - Studie - Openbaringe
6488 29 Februarie 1956
Die mense het ‘n te hoë dunk van hulle verstand, omdat hulle andersins nie
teen die werksaamheid van die Gees en die resultate daarvan in verset sou
kom nie. Hulle voel hulself meerderwaardig aan alle kennis wat hulle op die
geestelike weg verkry het en aanvaar die verkreë kennis nie, omdat die
verstandelike denke uitgeskakel is en hulle ‘n bewys as waarheid sou moet
erken dat die verstand geen waarborg bied vir die ware kennis nie, omdat
hulle sou moet toegee dat ontoeganklike gebiede ook sonder verstandelike
aktiwiteit ondersoek kan word. Hulle oorskat hulself sonder om daaroor na
400