DEEL 2 Reïnkarnasie - Ja of nee? - Nuweopenbaring

Die oorgawe aan Jesus Christus is dus wat Ek van julle verlang, want deur
hierdie oorgawe toon julle dat julle weer aan My wil behoort. Maar gaan dit
vir julle om onder die kruis beskerming te soek en van Jesus Christus
vergewing van julle sonde te ontvang? Gaan julle uiteindelik in volle geloof
na Hom, Wie julle Heiland, julle Bevryder en julle Broeder is? Wil julle in
alle erns op Sy genade wat Hy vir julle aan die kruis verwerf het ‘n beroep
doen? Spreek julle in Gees en in waarheid as julle Hom belei, of is dit slegs
leë praatjies? Dink hieroor na want dit beslis julle lot in die ewigheid!
Jesus Christus is waarlik julle Heiland en julle Arts. Hy is julle Redder uit
sonde en dood, Hy is die omhulsel wat Myself gedra het, sodoende is ook
Sy mag en krag onbegrens. En hierdie Jesus is en bly in alle ewigheid die
sigbare GODHEID, want Ek het Hom gekies om vir julle ‘n SIGBARE God te
kan wees, omdat Ek tog Gees is van ewigheid tot ewigheid. En as julle Hom
aanroep dan roep julle My aan en Ek verhoor julle dan, omdat Ek julle deur
Jesus Christus die belofte gegee het: “Wanneer julle die Vader in My Naam
iets vra dan sal Hy julle dit gee".
Vertrou tog op hierdie woorde in ‘n vaste geloof, aarsel nie om julle aan
julle Heiland en Verlosser Jesus Christus toe te vertrou nie, sodat Ek julle
die bewys kan lewer dat Ek My woord hou. Julle moet altyd daaraan dink
dat Ek Self julle daartoe bring om in Gees en in waarheid te bid, dat Ek dus
wil dat julle in elke nood van liggaam en siel tot My kom. Neem tog eindelik
eens die weg na My en dink aan My woorde, laat dit diep in julle harte
binnedring en glo sonder om te twyfel, want My belofte is waarheid,
julleself sorg egter vir die vervulling daarvan.
Ek Self dra dus vir julle al julle sonde. Ek neem elke smart en nood op My
wat julle as versoening vir julle oersonde moes dra. Dus kan die lewe van
elke mens sonder sorge en vry van lyding wees, as hy hom geheel aan My
oorgee, as hy wil dat Ek ook sy skuld gedra het. Maar ‘n lewende geloof
moet sy gebed vergesel; hy moet weet dat Ek nie wil dat die mens ly nie,
dat Ek egter sy leed nie teen My ewige orde in kan afskryf as die geloof in
hom nog te swak is nie.
Weet dus dat ‘n roep nie tot My Oor deurdring as die mens nog aan My
liefde en mag twyfel nie. Ek kan elke mens help en Ek wil elke mens help
en as julle geloof ‘n lewend geloof is, maak dan gebruik van hierdie belofte
en gee julself geheel aan My oor. Die vernaamste is dus ‘n lewende geloof
aan My liefde, wat Ek julle in My verlossingswerk bewys het. As julle dus
daarvan oortuig is dat Ek al julle sonde gedra het, dat Ek al julle leed op My
geneem het en daarvoor aan die kruis gesterf het sodat julle vry kan word,
dan sal in julle alle twyfel verdwyn. Dan kan Ek al die leed van julle
wegneem en julle verlos van sonde en dood. Eers dan is julle terugkeer na
My waar, eers dan erken julle My in Gees en in waarheid en dan geskied dit
volgens julle geloof. Amen
407