DEEL 2 Reïnkarnasie - Ja of nee? - Nuweopenbaring

vind; sal sy God en Vader van ewigheid dankbaar wees, hy bedank Hom
dat hy vry van alle skuld geword het wat sy liggaam op homself geneem
het en daarvoor gely het. Amen
"Niemand kom tot die Vader behalwe deur My"
5952 9 Mei 1954
Niemand kom tot die Vader behalwe deur My. Hierdie woorde alleen moet
die mense die belangrikheid laat insien om Jesus as Seun van God en
Verlosser van die wêreld te erken en tog maak dit geen indruk meer nie,
want die mensdom let nie daarop nie, anders sou hulle Hom nie so
onnadenked afwys Wie Homself as brug na die Vader kenbaar maak.
Die woorde van die skrif is vir die meeste mense alleen maar letters sonder
gees en lewe. Hulle spreek dit uit sonder om self van die betekenis daarvan
bewus te wees, hulle slaan totaal geen ag op die woorde van die Heer en
vind daarom ook nie die weg na die Vader nie, omdat hulle ook nie met
oortuiging in Hom glo nie, wat meer aandag aan die Goddelike woord tot
gevolg sou hê.
Niemand kom tot die Vader behalwe deur My. Maar dit ontbreek die mense
aan die wil om by die Vader te kom, om welke rede hulle ook die weg na
Hom nie soek nie, waarom ook die Goddelike Verlosser Jesus Christus vir
hulle sonder enige betekenis is. Hierdie instelling lei na die ondergang, na
die geestelike dood. Omdat hulle nie by die Vader kom nie, bly hulle in die
mag van hom wie God's teenstander is, hulle bly in die diepte, omdat hulle
nie verlang om opwaarts te gaan nie.
Dit is ‘n uitermate betreurenswaardige toestand, dat die mense geen
enkele strewe om opwaarts te gaan laat sien nie, dat hulle nie nadink oor
hul doel op aarde en dat hulle oor die leer van Christus, die evangelie (van
die liefde) onverskillig is, dat hulle geen van Sy woorde as belangrik
aanneem nie en daaroor nadink nie, dat hulle nie tot insig kan kom nie,
omdat hulle nie opheldering soek nie, omdat dit hul volkome onverskillig
laat wat God hul deur die skrif wil oorbring en wat die mens Jesus as
spreekbuis van God tot die mense gepreek het. En niemand daaraan dink
dat hy alleen maar daarom op die aarde is, om die terugkeer na die Vader
te bewerkstellig en dat hom voortdurend geleentheid daartoe gebied word,
wat hy in sy onbuigsame gemoed afwys omdat hy nie glo nie.
Die afstand van die mens tot die Vader is groot, tog bied Een Hom aan om
leiding te gee, om te bemiddel, Een het die brug gebou wat die weg na die
Vader begaanbaar maak en hierdie Een bied alle mense Sy hulp aan. Dog
word daar nie na Hom geluister nie, daar word geen aandag aan Hom
geskenk as Hy wil bereik dat die mense Hom nie sal vergeet nie. Blind en
doof gaan hulle by Hom verby, ofskoon Hy hulle toeroep: “Niemand kom
tot die Vader behalwe deur My".
256