DEEL 2 Reïnkarnasie - Ja of nee? - Nuweopenbaring

Die verstand sonder liefde is sonder waarde, die mens op aarde, wie se
denke deur die liefde verlig is, sal bomatig seënryk kan inwerk op diegene
wat die verligting deur die Gees ervaar het. Want aan hom sal God Homself
openbaar en hy sal getuienis kan aflê van God se Liefde, Wysheid en
Almag, hy sal die diepste kennis bekom en met sukses werksaam wees op
aarde vir God en Sy Ryk. Amen
Die massa staan nooit agter die Waarheid nie -
Verspreiding - Teenstander
6493 6 Maart 1956
Julle mag julle nie van koers laat bring deur die misleiding van My
teenstander nie, julle sal inteendeel steeds maar net op dit moet let wat vir
julle duidelikheid gee, wat as sagte lig van bo neerstraal. Die lig, die
waarheid uit My, tref julle oë nie met ‘n verblindende skynsel nie, dit wil sê,
nooit sal die waarheid so plotseling oplig en deurbreek in die openbaar nie.
Want die "goddelike lig" word nie deur die wêreld herken en erken nie en
dit sal nie vinnig versprei word nie, maar vir die "betowerende lig" sal baie
oë oopgaan, dit word heelwat eerder aangeneem as die suiwerste
waarheid, die Lig van die Liefde uit My. Want dit is die teken van die
ondeurdringbare duisternis vóór die einde, dat die mense vir die leuen
oopstaan, vir alles wat uit die onderste ryk voortkom, dat hulle geen begrip
meer sal hê vir die goddelike waarheid nie.
Maar sodra My teenstander ‘n bedrieglike lig sal laat opflits, het hulle geen
afwering daarvoor nie, veel eerder trag hulle om dit oral te versprei, hulle
help saam om die nag nog meer te verduister, omdat hulle, hulle oë
ongevoelig gemaak het vir ‘n sagte stralende lig. Want hulle wil nie innerlik
verlig word nie, hulle wil hulle slegs verlustig aan ‘n vuurwerk wat slegs lig
moet optower en ‘n genot is vir die oë. En tog sal in die laaste tyd steeds
meer ligdraers opstaan en dwarsdeur die duisternis heen gaan en die paar
wat hulle lig as ‘n weldaad ondervind nog om hulself versamel.
Daar sal in die laaste tyd nog baie bodes van bo werk op die aarde, om aan
die mense, wat van goeie wil is, hulp te verleen. My woord sal verkondig
word deur dienaars wat vervul is met krag, wat vanweë hierdie missie op
die aarde gekom het om die lig van die waarheid die duisternis binne te
dra. Maar hulle almal sal slegs in die verborgenheid werksaam wees, hulle
sal egter nie daarvoor terugdeins om openlik en vrylik tot die mense te
spreek nie, maar in die wêreld sal mense weinig notisie neem van hierdie
verkondigers van My leer en My Naam. Maar die weiniges wat die nag sal
wil ontvlug, sal van hulle helder lig ontvang. Want hulle woorde het groot
krag. En waar hierdie dienaars van My optree, sal My teenstander nie lank
op hom laat wag om die lig uit te doof of te verduister nie en daarom op so
‘n ongewone manier te voorskyn kom dat die wêreld aan hom aandag sal
skenk. En daaraan sal julle weer sy werksaamheid kan herken.
402