DEEL 2 Reïnkarnasie - Ja of nee? - Nuweopenbaring

krag om hulle te verander en dan gaan die aardse lewe verby sonder om
tot die doel te lei, tot ‘n volwassenheid, wat hul die ewige lewe verseker.
Die einde kom steeds nader en wie sonder geloof bly, gaan ‘n verskriklike
einde tegemoet, ‘n lot, waarvoor hy met ontsteltenis sal terugdeins as hy
daarvan weet. Gods bodes, Sy deur Homself gekose dienare, verkondig dit
aan die mense en wys steeds weer op die naderende einde. Luister na hulle
as hulle na julle kom en dink daaroor na wat hulle julle verkondig en reken
met die moontlikheid dat hulle julle die waarheid gesê het. Dan sal julle ‘n
verandering tot liefde nastreef, dan sal die aardse lewe nie meer vir julle so
belangrik wees nie en julle sal julle sorge meer op julle siele rig en dan hoef
julle ook die naderende einde nie te vrees nie. Amen
Die kenmerk van die kerk van Christus – Die werk
van die Gees
5174 19 Julie 1951
Die kerk van Christus is geen uiterlike organisasie nie. Dit is baie meer die
aaneensluiting van almal wat geestelik strewe, van mense uit elke
geloofsrigting wat in die liefde lewe en in Jesus Christus en Sy
verlossingswerk glo. Want nie die geloofsrigting toon aan dat hulle tot die
kerk behoort nie, maar alleen die Gees, wat uit die mense spreek wat
daarvan deel uitmaak. Dit moet vir julle duidelik wees dat God dit nooit
voldoende vind as iemand hom by die een of ander geloofsrigting aansluit
weens die naam, omdat hy onder die indruk was van die gewoonte en
gebruike wat elke organisasie meer of minder te sien gee. Julle moet
veeleer weet dat God alleen die gesindheid van 'n mens waardeer. En die
kan by mense van elke geloofsrigting sus of so wees, d.w.s. meer of
minder beantwoordend aan Gods Wil, meer of minder die Goddelike
gebooie in ag neem.
Dus is alleen dit deurslaggewend of ‘n mens hom tot die kerk van Jesus
mag reken. Of hy deur ‘n lewe in liefde die Gees uit God in hom gewek het.
Die kerk van Jesus is ‘n suiwer geestelike organisasie wat geen enkele
konsessie aan die wêreld doen nie, maar alleen gebaseer is op die sielelewe
van die mens, op die bewuste wil om die geestelike doel te bereik waarvoor
die mens op aarde gestel is.
Die kerk van Jesus verenig alle gelowiges, d.w.s. innerlike oortuigde
aanhangers van Jesus, wat hulle die Goddelike leer van die liefde tot hul
lewensdoel maak, wat die verlossingswerk van Christus erken en wat geen
ander strewe ken as deur die bewuste vereniging met Hom, die krag van
die Gees te ontvou. Wat dus deur die goddelike Gees verlig word, wat altyd
as bewys van die lidmaatskap van Sy kerk sal geld.
Die kerk van Christus het geen ander uiterlike kenteken nodig, om as Sy
ware kerk, wat Hy self op aarde gestig het herken te word nie, as die
geestelike wedergeboorte, wat aan te wys is deur die uitering van die
37