DEEL 2 Reïnkarnasie - Ja of nee? - Nuweopenbaring

Dit is ook geen teken van regverdige straf vir julle misdade nie, dit is slegs
geneesmiddels vir siekte, waaraan julleself skuldig is, weer van julle weg te
neem. Dit is nodig om julle siele weer gesond te laat word.
Deur eie skuld het julle uit My orde getree, anders sou geluk en saligheid
julle lot wees. Glo My dat Ek julle baie liewer hemelse vreugde sou berei,
dat julle dit vir My egter onmoontlik maak as julle My orde verlaat. Dat Ek
egter alles probeer om julle weer na die Goddelike orde terug te bring om
julle weer onbegrens gelukkig te kan maak.
Hoe meer nood en kommer, ellende en siekte op aarde te sien is, des te
ernstiger is die oortredinge teen My orde. En uit hierdie nood kan julle
mense self bevestig op welke lae pyl julle gekom het. Ek sou waarlik liewer
die mense in saligheid sien as om ongemotiveerde moeilike plae oor hulle
te laat kom, om My ewige orde weer tot stand te bring.
En as iemand meen dat hy nie so'n groot sondaar is dat so'n groot ongeluk
wat hom getref het nodig sou wees nie, dan sê Ek julle: julle mense ken die
samehangende verband nie en julle ken ook nie die gevolge van julle
ongeluk in sy volle omvang nie. Julle weet ook nie vir wie julle noodlot ook
tot volwasse wording dien nie. Julle weet ook nie, omdat die herinnering
aan vroeër julle ontneem is, wat julle vir julle beliggaming as mens,
vrywillig aangebied het om op julle te neem nie. Ek weet egter alles en Ek
lê julle waarlik geen groter las op as wat julle kan dra nie.
Bowendien bied Ek julle Myself as kruisdraer aan wanneer julle dink dat
julle kruis te swaar word. Maar julle doen helaas nie dikwels ‘n beroep op
My hulp nie en daarom kla julle oor die las en mor dikwels dat dit vir julle
te swaar is. Liefde het julle eens beweeg om julself vir My aan te bied om
die las van ‘n kruis te dra.
In julle aardse lewe weet julle egter nie waarom julle moet ly nie. Ek sê dit
egter in die besonder aan julle wat deur julle wil aan My behoort. Ek wil
egter dat julle ook sonder om die oorsaak te weet berustend en sonder
klagte julle weg gaan, dat julle, julle kruis berustend op julle neem. Want
Ek wil dat julle julself altyd onder My wil buig in die besef dat Hy, aan Wie
julle julself oorgee, ‘n God van liefde is en dat alles wat van Hom kom julle
tot seën sal strek.
Daarom, verset julle nie teen julle lot nie, wat dit ook al mag bring. As julle
aan My wil behoort kla en mor dan nie maar wees steeds seker daarvan dat
dit julle tot heil dien, dat dit altyd alleen hulp beteken en die herstel van My
orde van ewigheid. Wees seker daarvan dat julle dit eenmaal sal insien en
My dan dankbaar daarvoor sal wees dat Ek julle hierdie weg op aarde laat
gaan het. Hierdie weg met sy laste, met sy beproewinge, maar ook met My
liefde, wat die rede is vir alles wat julle oorkom omdat Ek altyd alleen wil
dat julle salig word. Amen
336