DEEL 2 Reïnkarnasie - Ja of nee? - Nuweopenbaring

geestelike betekenis van die Woord insien en hy sal nie meer in die letter
bly vassteek nie.
Die “opstanding van die vlees ”. Hierdie woorde beteken vir julle dieselfde
as die lewe na die dood. En vir julle mense beteken “lewe” dieselfde as om
liggaamlike rond te loop. So lê julle hierdie woorde uit solank julle Gees nog
nie ontwaak het nie en solank julle nog nie weet wat onder “lewe” eintlik te
verstaan is nie. Mense wat nie aan ‘n lewe na die dood glo nie, dink, dat hul
bestaan eindig by hul liggaamlike dood. Vir hulle beteken die verblyf in hul
liggaamlike omhulsel “lewe”. Hulle weet dat hulle deur die dood die
omhulsel verloor, maar hulle glo nie aan die drie dele nl. liggaam, siel en
Gees nie. Vir hulle bestaan alleen die liggaam - die vlees - en met die dood
daarvan hou vir hulle die begrip “lewe” op om te bestaan .
Die “opstanding van die vlees” beteken vir hulle die opstanding van die
liggaam. Hulle verstaan daaronder alleen hul liggaamlike omhulsel. En vir
hulle is die leer van die “opstanding van die vlees” moeilik te begryp, terwyl
van kerklike kant geëis word om dit te glo. En tog kan ook hierdie leer nog
tot ‘n seën wees as die mens daardeur aan ‘n “opstanding", aan ‘n lewe ná
die dood glo. Want deur dit te glo verander hy miskien ook sy wese en
hierdie verandering kan tot sy ontwaaking lei, tot ‘n deurstraling met My
Gees. Dan snap hy ook die woorde "opstanding van die vlees” en dan
verstaan hy ook die geestelike betekenis daarvan.
Opstanding beteken: Vanuit die dood tot die lewe ontwaak, opstaan uit ‘n
toestand van slaap, uit die donker in die lig tree. En so sal ook alles aan die
lig kom wat tevore in die donker van die geestelike nag verborge gelê het.
Dit staan op en word openbaar, dit word lewend om te getuig. In ‘n
toestand van dood kan nie getuigenis afgelê word nie. Maar wat in die lewe
gebeur, in die staat waarin julle op aarde in die vlees leef, dit word
openbaar en staan om vir of teen julle te getuig. dit is nie die materiële
vleeslike liggaam wat weer uit die stof opstaan om julle opnuut te bekleë
tot ‘n nuwe lewe nie.
Want die vleeslike liggaam is slegs ‘n verganklike omhulsel vir die siel, wat
egter onverganklik is en nie kan sterf nie. Die “geestelike dood” kan julle
deel wees, by die skeiding van hierdie aarde, maar julle kan ook in die
hiernamaals nog tot die lewe ontwaak, julle kan daar nog “opstaan” as julle
die weg tot My in Jesus Christus vind en Ek julle die lewe kan gee.
In Jesus Christus neem ook Ek “vlees” aan toe Ek op die aarde gekom het
en ook die “vlees” moet die aardse dood deurstaan. Maar Ek verrys uit die
dood om julle te wys dat ook julle lewe met die dood van die liggaam nie
eindig nie, dat ook julle siele kan opstaan en vir ewige lewe.
Ek laat egter as teken van die waarheid van My Woorde ook My liggaam
opstaan. Nogtans was dit geen opstanding van die vlees nie, want My
liggaam was vergeestelik. Die siel het hom beklee met die geestelike kleed,
dit het alle geestelike substansies van die aardse liggaam onttrek omdat dit
deur My lewe en dood reeds heeltemal vergeestelik was.
271