DEEL 2 Reïnkarnasie - Ja of nee? - Nuweopenbaring

In die komende tyd sal één persoon op ‘n ander vertrou en waar die mense
mekaar nie ondersteun nie sal die ontbering byna ondraaglik lyk tensy hulle
na My kom, Wie nie ‘n persoon sal verlaat as hy na My roep nie en dit is al
wat Ek bereik, dat mense so‘n innige vereniging met My tot stand sal bring
dat hulle nooit eensaam en verlate sal voel nie, maar altyd sal weet dat hul
Beskermer en Helper by hulle is en dat hulle dan nie meer hul teëspoed so
bitter sal voel soos die persoon wat nog ver van My af is nie. Elke teëspoed
is draaglik vir ‘n persoon wat by My ‘n toevlugsoord soek, maar julle wat
My wil dien, kan as bemiddelaars tussen My en hulle werk, julle kan hulle
wys hoe om hul nood weg te neem en as julle dit met liefde doen sal julle
ook suksesvol wees.
Laat julle harte nie verhard word nie, ignoreer nie julle medemens se
ontbering nie, kyk om julle rond en julle sal baie teëspoed sien en julle hulp
aan ander sal altyd vertroostend wees. Julle almal kan help, want die ware
soort hulp bestaan uit liefdevolle gedagtes, liefdevolle woorde en dade wat
julle liefde julle vra om te doen. Ware medelewende liefde vir julle
medemens in nood sal julle altyd middele laat vind om hul ontbering te
verlig en geestelike begeleiding is dikwels van meer waarde as aardse
bystand, want daardeur maak julle die deur na hul harte vir My oop en
sodra Ek by hulle kan ingaan sal hulle getroos word en graag hul kruis vir
die belang van hul siele dra. En dan sal hul teëspoed ‘n seën wees, want
hulle sal hul weg terug na die Vader huis gevind het, Ek sal hulle gewen het
vir ewig. Amen
Wêreldgebeure - Chaos – Antichris
6764 15 Februarie 1957
Daar sal ‘n onbeskryflike chaos wees nadat Ek deur die geweld van die
natuur gespreek het, want solank as wat die aarde bestaan het, het die
mense so-iets nog nooit beleef nie. Deur angs en skrik sal hulle nie in staat
wees om te dink en te handel nie, want hulle sal ‘n herhaling van die
gebeurtenis vrees en sal daarom geen hand kan uitsteek om te help en te
red waar nog hulp moontlik is nie.
Daar sal maar weinig wees wat besef wat daar gebeur het, omdat hulle
vooraf daarop gewys was en nou die waarheid van My woorde gesien het,
daarom sal hulle nou ook met volle oortuiging vir hulle medemens ‘n uitleg
kan gee, ofskoon maar min sal luister. Hulle sal alles glo, behalwe om ‘n
Goddelike verlossingsplan te aanvaar wat op die manier verwesenlik word.
Nogtans moet die tyd goed benut word en die mense ook in verband
daarmee in kennis gestel word van die aanstaande einde. Wat homself in
die kosmos sal voltrek, kan hulle nie verloën nie en wat vooraf aangekondig
was, kan enkele mense nog tot nadenke bring. Maar die wil om te lewe en
die drang tot selfbehoud sal tog seëvier en die mense sal alles doen om die
nood te bemeester wat deur die natuurkatastrofe veroorsaak is. En nou
516