DEEL 2 Reïnkarnasie - Ja of nee? - Nuweopenbaring

Die angs om te sterf - ‘n Voorskou in die geesteryk
6637 6 September 1956
Die geestelike dood is baie verskrikliker as die aardse dood. Dit is die
geestelike dood wat die mense die angs gee om die liggaamlike dood
onbewus te vrees, dit is hierdie angs wat die mens oorval wat nie aan ‘n
lewe na die dood glo nie. Dit is die siel wat voel dat hy in ‘n swak toestand
is en dit aan die bewussyn as angs oordra, sodat die liggaam hom teen die
dood verweer solank dit vir hom moontlik is.
Die angs vir die dood is ‘n bewys van die onvolwassenheid van die siel,
want dit ontbreek hom aan kennis en daarom aan vertroue in Gods
barmhartigheid, wat hoor en help, wat ‘n ekstra tydjie sal verleen as hulle
daarom sou vra. Hulle bevind hulle in ‘n diepe duisternis en vrees onbewus
’n nog diepere nag, wat hulle tegemoet gaan.
‘n Volwasse siel sal sy laaste uur volkom rustig afwag en verlang na die
bevrying uit sy liggaamlike omhulsel. Hulle gee so oor aan Hom in Wie hulle
glo en gee hom in Sy genade oor. En dikwels mag hierdie siele voor hul
dood reeds ‘n blik kry in die ryk wat vir hulle wag. En gelukstralend open
hulle die oë om dit dan vir ewig te sluit en hul liggaam te verlaat, om binne
te gaan in die ryk wat hulle aanskou het. Die angs vir die dood is ‘n duidelik
teken van die gesteldheid wat die siel hom in bevind. Sulke siele moet baie
hulp verleen word van die kant van die mense, omdat hulle nog in die
laaste minuut kan ontwaak en hulle tot die Een wend, wat kan en wil help.
‘n stil en innig gebed tot Jesus kan ’n siel opwaarts help as julle met ’n siel
meeleef wat in angs met die dood worstel en hom help om innerlike rus te
vind. Want hierdie siel sal die hulp aanneem en die laaste reddingsanker
gryp. En hy word, as hy sy liggaam verlaat, deur die liefde van die
medemens na Jesus Christus gedra, wat Sy oor nie sluit vir ‘n innig gebed
om hulp nie.
Daarom moet die mense hulle in die besonder ontferm oor hulle wat angs
het om te sterf, want deur die angs beken hulle dat hulle nog ver staan van
die lig af, van die ware insig en daarom ook van God. Die angs vir die dood
bewys dat hulle hulp nodig het, anders sou ‘n salige rus hulle vervul het as
hulle uur van skeiding van die aarde kom.
Dit is ‘n werk van baie groot barmhartigheid en liefde om ‘n bang siel
bystand te verleen, wat daarin bestaan dat julle Jesus vra om Hom oor
hierdie siel te ontferm. En hierdie liefdes gebed sal verhoor word en kan vir
die siel sy redding beteken, sodat hy die duistere nag gespaar word. Amen
Oor "die hel" - Die hernieude kluistering - Die
eindelose Liefde van Jesus
6638 7 September 1956
Ook die verwerplikste skepsel is ‘n kind van My liefde. Daarom geld My sorg
vir hom ook onverminderd, sodat hy eenmaal na My sal terugkeer, ofskoon
458