DEEL 2 Reïnkarnasie - Ja of nee? - Nuweopenbaring

En onnoemlike saligheid is hulle beskore, want hulle het nou ontwaak tot
die ware lewe, hulle het die dood oorwin danksy Hom, Wie vir hulle gesterf
het. Die verlossingswerk van Jesus is van so ‘n groot betekenis, dat Sy
kruisdood steeds weer en in alle innigheid herdenk moet word, dat die
mens homself steeds weer van Sy lewe en sterwe ‘n voorstelling moet
maak, om deur te dring na die misterie van Sy liefdeswerk, want hoe meer
hy bewus word van die liefdeswerk van Jesus, soveel te meer word liefde
tot Hom aangewakker en die liefde dryf hom nou vanself na die kruis, die
liefde neem ook die lyding van ‘n kruisgang op homself, die liefde is tot
alles in staat, om die offer van Jesus te benut en dan as te ware self
daaraan deel te neem, want die liefde offer homself. Amen
Versoening van die skuld deur Jesus
6513 30 Maart 1956
Om die boosheid van die mensdom op My te neem, was onberekenbaar
swaar. Daar was geen enkele slegte daad wat nie sy uitwerking op die
mens gehad het nie en julle sou onmeetlik moes ly as julle alle sonde wat
julle belas, self sou wou goed maak. Net die sonde van die allereerste
opstand teen God was al so groot, dat julle dit nooit kon betaal nie, nóg in
julle gekluisterde toestand, nóg in julle toestand as mens. Daarom het Ek al
julle skuld op My geneem - die uitwerking van die bose daad het Ek
opgevang - alles het Ek op My menslike liggaam gelaai en dit het nou julle
skuld deur ‘n buitengewoone smartlike lyding en sterfte aan die kruis
versoen.
My Liefde het My beweeg om julle te help en al die ligvolle geestelike, alle
geskape oergeeste wat My trou gebly het, was vervul met dieselfde liefde
tot julle. Die liefde laat egter niks verlore gaan nie, die liefde laat niks in die
duisternis, nood of kwelling nie. Die liefde Self bied Hom aan tot redding,
tot delging van die groot skuld. In ‘n Wese vol van lig en liefde het die
Liefde Self na die aarde gedaal, immers, dit wat op aarde sou geskied,
moes in ‘n menslike vorm gebeur. Ek Self moes My in die vlees beliggaam
en neem daartoe My verblyf in die mens Jesus, Wie ook so rein en sonder
sonde was, dat Ek My in Hom kon manifesteer.
En hierdie mens Jesus het julle van julle skuld gereinig, hierdie mens Jesus
het die ontsaglike sondelas van die mensdom op Sy skouers geneem en het
na die kruis gegaan daarmee. En soos die onmenslike lyding weer aan julle
steeds geskilder sou word, sou julle dit nooit in sy gehele diepte kan begryp
nie, want die gebrekkigheid van julle wese verhinder julle dit. Sy pyne was
onvergelyklik swaar en Hy het dit lankal vooraf geweet; want Hy was
vervul van My Gees deur Wie Ek Self My verblyf in Hom geneem het. En
daarom was daar ook niks vir Hom verborge nie en het Hy alles oor Sy
sending en ook oor Sy kruisdood geweet.
409