DEEL 2 Reïnkarnasie - Ja of nee? - Nuweopenbaring

nie, sodat daar geestelike vooruitgang behaal kan word wat alleen daaruit
bestaan dat die mense ‘n verbinding met My tot stand probeer bring.
Eerstens moet Ek opreg erken word voordat Ek My aan ’n mens kan
openbaar.
Die oortuigde geloof aan My ontbreek by oneindig baie mense, wat die
oorsaak is dat hulle ook in geestelike duisternis lewe en in hierdie duisternis
die hiernamaals ingaan. En wat hulle op aarde versuim het moet nou in die
hiernamaals ingehaal word. Hulle moet nadink, maar sal daarvoor te swak
wees deur eie skuld. Hulle word in die ewigheid gevolg deur hulle liefdes
werke, dan is hulle nie heeltemal kragteloos nie, ondanks hul ongeloof.
Hulle krag bestaan daarin dat die herinnering aan die kennis wat hulle op
aarde nie ernstig geneem het nie, hul nie heeltemal ontneem is nie. Dat
hulle nou dus kan nadink, terwyl die ongelowige siele wat geen werk van
liefde met hulle saamgeneem het, hulle in onsegbare nood bevind, omdat
hulle nie in staat is om suiwer gedagtes op te neem om hulle hiermee besig
te hou nie.
Tog kan ook hierdie siele nog onderrig word in die geesteryk deur siele wat
hul op ‘n begryplike manier aan diegene aanbied wat hulle moet leer, as
hulle tenminste hul onderrigting wil aanneem. Wat ten gunste van hulle sal
wees, omdat hulle die krag kry om aansluiting te soek by die sfere waar hul
opheldering gegee kan word.
Werk van liefde kan elke tekort aanvul en die siel tot geloof bring. Maar die
geestelike duisternis, wat ‘n gevolg is van die ongeloof op aarde, sal eers
van hulle wyk as hulle Jesus Christus erken, omdat Hy alleen hulle skuld
kan delg wat deur die ongeloof op aarde veroorsaak is. Wie vermoed dat hy
op ‘n dwaalspoor is kan spoedig gehelp word waar liefde en geloof
aanwesig was op aarde. Maar aan ongelowige mense moet die kennis eers
gebring word, omdat hulle dit nie op aarde wou aanneem nie, al was hulle
teenoor hul medemens voorstanders daarvan.
Ek kan die siele wat My nie erken nie en liefde teenoor My en hulle
medemens weier, nie ineens die insig gee nie. Ek kan hulle alleen die
moontlikheid gee om die kennis hul eie te maak, met die voorwaarde, dat
hulle wil nie teen My weerspannig is nie. Dan is My erbarmende liefde ook
bereid om aan hulle lig te gee, as hulle daarna verlang. En dan word hulle
ook weer die evangelie gebring, wat hulle nou in vrye wil kan aanneem of
ook kan afwys. En na gelang hul wil tot die goeie en hul verlange na
onderrig, sal hulle nou My leer aanneem en kan hulle opgang begin.
Maar dit neem baie leed en ellende in die duisternis, voor ’n ongelowige siel
in die geesteryk deur ‘n ligstraal geroer word en dit volg. Dan egter is hulle
ook bereid om hul wese te verander, as hulle eenmaal die weldaad van die
lig ondervind het, waarna hulle nou bly verlang totdat dit hulle ten deel val.
Die duisternis gee sy siele maar selde op, dog Ek weet wanneer Ek die
poorte kan oopmaak en die siele hul vryheid kan gee. Ek weet, wanneer
96