DEEL 2 Reïnkarnasie - Ja of nee? - Nuweopenbaring

Julle weet dat die aanhangers van die wêreld in sy mag is, dat hulle nog
eindeloos ver van My verwyderd is en dat My werksaamheid nooit in hulle
gebied ingang sal vind nie. Maar wat in die openbaar versprei word, kom
van hom af en die werksaamheid van My dienaars sal juis daar geen
aanklank vind nie, terwyl My teenstander egter sukses sal hê. Nooit sal die
massa agter die waarheid staan nie, maar steeds agter dwaling en leuens.
Maar My ware verteenwoordigers op aarde sal hulle nie daaraan steur dat
daar aan hulle geen geloof geskenk word nie, des te yweriger sal hulle werk
en met oortuiging van My en My spoedige koms spreek. Want Ek sal aan
die aktiwiteite van My teenstander ‘n einde maak wanneer sy tyd gekom
het. Maar voor dit sal gebeur, sal nog baie ligdraers oor die aarde gaan,
omdat die lig oral heen gedra moet word om die harte van die weinige
mense te verlig wat My teenstander nog nie in sy mag het nie. sy doen en
late sal duidelik te sien wees, maar vir Myne is ook My sorg duidelik
sigbaar, om hulle uit die duisternis weg te voer na die lig.
Verwonder julself nie dat julle wat My wil dien, weinig ingang vind met die
woord wat julle van My ontvang het nie, want ook dit is ‘n teken van die
verduisterde Gees, ‘n teken van die lae vlak van die mense voor die einde,
waarby My teenstander eerder resultate sal bekom as julle, My ligdraers.
En tog sal die lig homself uit sy baan losbreek en weereens helder die
werkinge van My teenstander belig. Maar nog het sy tyd nie gekom nie,
nog kan hy na eie wil sy gang gaan. Maar spoedig sal daar perke aan sy
optrede gestel word, dan sal My Lig met ‘n helder glans van bo straal, dan
sal daar geen duisternis meer wees nie, dan sal die mense, wat My Lig al
op aarde aangeneem het, geluksalig wees. Amen
Tekens van en verwysings na die einde
6501 14 Maart 1956
Onbedrieglike tekens sal die naderende einde vir julle aankondig, maar dit
sal slegs herken word deur hulle wat glo, terwyl al die ander dit as
natuurlike verskynsels sal verklaar en elke mens sal uitlag wat ‘n diepere
betekenis daaraan sal toeken. Maar tog word julle opmerksaam daarop
gemaak en elkeen kan homself na eie goeddunke daarvoor oopstel. Dat
julle egter opmerksaam daarop gemaak word, is ‘n onverdiende
barmhartigheid, want so kan julle aan julself werk, omdat die tekens ‘n
ernstige waarskuwing vir julle is, as julle glo.
Daar is dus nog ‘n laaste tydjie van barmhartigheid wat elkeen, wat sy
aardse lewensweg nog suksesvol kan beëindig, nog kan belewe, as hy dit
op die korrekte wyse benut. En tog sal die mense wat nie glo nie,
onverskillig verder op hulle weg gaan en die einde sal hulle verras. Hulle
siele sal die einde, wat onherroeplik sal kom, onvolwasse belewe.
En wanneer julle nou voortdurend vermaan word en daarop gewys word,
dan is dit ook barmhartigheid waarop julle moet ag slaan en wat julle moet
403