DEEL 2 Reïnkarnasie - Ja of nee? - Nuweopenbaring

Maar hy haat die lig omdat hy die waarheid haat en gaan daarom teen die
waarheid in. En solank julle julself op aarde sal besig hou om die waarheid
te versprei en My Woord te bring aan julle medemens, solank sal hy julle
ook as vyand vervolg en sal probeer om julle ten gronde te rig.
Hy sal die waarheid openlik aanval en julle, wat vir die waarheid instaan,
belaster. En hy sal julle as bedrieërs voorhou om ook die geestesgoed wat
julle verteenwoordig, twyfelagtig te maak. Maar hy kan tog nie teen julle
standhou nie, want agter julle en die waarheid staan Ek Self.
Maar hy sal slaag om julle, My verteenwoordigers, uitmekaar te dryf. Hy sal
slaag om julle te isoleer, omdat die gemeenskaplike arbeid hom nie pas nie
en omdat hy in die stryd teen die enkeling op sukses reken.
Maar selfs daarom beskerm Ek nog die lig en die suiwer waarheid sal hy nie
kan verswak nie. Tog moet julle waaksaam wees en bid, want julle is
steeds in gevaar om swak te word, as julle My nie om beskerming sal
aanroep teen alle aanvalle van die teenstander nie.
Want die einde is naby al raas hy met versterkte mag; want sy tyd het
gekom waarin hy weer gekluister sal word soos verkondig is. Die waarheid
sal seëvier en almal tot saligheid bring wat aan die waarheid sal gehoor
skenk en so die lig aanneem wat Ek sal laat opflikker. Want daardeur kan
Ek hulle help om vanuit die duisternis van die geeste en uit die mag van die
dood tot die lig en die lewe te kom en deur die waarheid aan die saligheid
deelagtig te word. Amen
Elkeen kan aangespreek word deur God in die vorm
van gedagtes
5469 23 Augustus 1952
Ek laat julle woorde van liefde, van troos en van goeie raad toekom en Ek
gee julle altyd opheldering waar dit julle aan bepaalde kennis ontbreek,
julle moet net self die verbinding met My tot stand bring, aangesien Ek
anders nie tot julle kan spreek nie.
My woorde sal egter nie altyd hoorbaar vir julle klink nie, maar julle
gedagtes sal self merkbaar so vorm soos wat Ek tot julle wil spreek, as julle
maar aandag daaraan sal skenk en solank verlangend wag, totdat My
mededelinge julle dus bereik het. Want dit wil Ek julle sê; sodra julle slegs
aan My dink, met My praat in gebed of My aanroep om hulp, is My liefde
reeds by julle. Julle spreek nie verniet nie, maar Ek verneem al julle
gedagtes en antwoord julle ook.
Weinig mense wag egter die antwoord van My af, weinig mense is so diep
gelowig, dat hulle oortuig is van ‘n uiting van My kant af. En daarom kan Ek
My maar selde aan die mense openbaar, sodat hulle in hulle gevoel en
gedagtes My duidelike antwoord herken. Geen enkele woord gaan verlore
wat julle in diepe aandag tot My toeroep, geen enkele Woord laat Ek
onbeantwoord nie.
122