DEEL 2 Reïnkarnasie - Ja of nee? - Nuweopenbaring

mense vind wat ly aan fisiese of geestelike kwale, probeer om hulle te
genees, gee aan hulle aards en geestelik wat hulle nodig het, gee hulle
voedsel en drank en laat van julle besittings gaan as julle daardeur die
ontbering en van mense in nood kan verlig. Probeer dit en julle sal die
waarheid van My Woord ervaar, julle sal in krag en lig groei, julle sal bo
julle eie aardse lyding uitstyg, niks sal julle beïnvloed wat voorheen geblyk
het om julle teneer te druk nie, julle sal die krag van liefde in julself voel en
die geluk van julle vereniging met My, wat met elke daad van liefde in julle
vestig, julle sal duisendvoudig kompensering ontvang vir wat julle
weggegee het. Julle sal My erken en My hand voel wat julle vashou, julle
sal die stroom van krag van My liefde wat in julle giet voel en geestelik
helder verlig word, julle sal kan hoor en waarneem wat andersinds aan julle
mense verborge is.
Neem die toets en glo My Woord, beoefen liefde en julle sal My wen en My
nooit ooit weer verloor nie. Glo My, want Ek sal julle nie verkeerd onderrig
nie, Ek wil dat julle geseën word en aangesien slegs die liefde julle in
gelukkige wesens kan verander spoor Ek julle konstant slegs tot liefde aan.
Maar dan sal julle die liefdelose Gees binne in julle moet bestry, wat die
oorsaak is van julle aardse bestaan. Hy spoor julle tot eieliefde aan, hy wil
die Goddelike vonk in julle uitdoof, hy wil julle verhinder om ‘n lewe in
liefde te leef. Daarom sal julle hom moet bestry, naamlik: julle eie
begeertes bestry wat slegs julle eie liefde verhoog en die ware liefde na My
en julle naaste verswak, sodat julself nie die krag van liefde kan ervaar nie.
Veg daarteen en volg My, aanvaar hierdie Woorde in julle hart en handel
daarvolgens en julle lot sal die volle vereniging met My en oneindige
geluksaligheid wees. Amen
Die nood van die siele in die hiernamaals -
Voorspraak - Wilsverandering
5318 16 Februarie 1952
Die nood van die arme siele in die hiernamaals is baie groot, hul toestand is
ondraaglik omdat digte duisternis hulle omgeef en hulle kan geen uitweg
vind nie. Hoe meer ‘n siel ly, des te eerder is dit egter moontlik dat hulle
tot hulself inkeer en oor hulle skuld nadink en na hulp soek. Om welke rede
hulle dan die kleinste ligstraaltjie sal volg waarvan hulle redding vir hulself
verwag. Want eers dan kan hulle tot die lig gebring word, as hulle die
duisternis probeer ontvlug. Tevore sou hulle nie in staat wees om
onderrigting te begryp nie, hulle sou dan nog so verward wees dat as hulle
onderrig sou word, alle moeite aan hulle bestee, vergeefs sou wees.
Die wil van elke siel kan deur die ligwesens gesien word en volgens die wil
lei hulle die arme siele wat daarna verlang tot die lig. Want die siele is nou
in ‘n staat waarin hul hulp gebied kan word, omdat hulle bereid is om hulp
aan te neem en daarom ook smeek dat hul gehelp word,
87