DEEL 2 Reïnkarnasie - Ja of nee? - Nuweopenbaring

Derhalwe spreek die Woord julle aan en die Woord is Jesus Self, want Ek
Self is die Woord. As die Woord dus vir julle weerklink, is Ek Self by julle,
julle hoor dan geen mens wat praat nie, maar julle hoor die Gees van
ewigheid Wie julle deur Sy Mag en Liefde in die lewe geroep het en Wie
deur die Woord steeds met julle verbonde is.
En aan hierdie Liefdegees van ewigheid moet julle wil behoort, want
daarom lok Ek julle voortdurend met My woord sodat julle na My kan
luister, My kan herken en julself onvoorwaardelik aan My oorgee. Ek het vir
julle, wie Ek vanuit My liefde geskape het, onbegrensde salighede berei wat
julle egter slegs sal kan verdra as julself in lig en krag wandel, waartoe My
woord julle kan vorm. Daarom sal Ek ook steeds en oral tot julle spreek
waar ‘n liefdevolle hart My toelaat, waar My Gees nie afgewys sal word as
Hy Hom wil openbaar nie. Want oral waar die mens My Liefde laat
binnekom, sal ook My Gees van ewigheid aanwesig wees, wat vir al My
skepsele geld vanaf die begin. Amen
Misvormde leer - Gebooie van die liefde
5982 22 Junie 1954
Julle word nou onderrig in die ware evangelie en julle leer daardeur insien,
hoe verskillend My suiwer evangelie is van dit wat nou as My Woord op
aarde verkondig word. Julle leer insien dat My Woord ‘n verandering
ondergaan het in sovere, dat dit anders uitgelê en daarom ook anders
gestalte aan gegee word. Dat dit wat alleen belangrik is te weinig geag
word, daarteen die onbelangrike benadruk word en daardeur nie baie
geestelike sukses behaal word nie.
Ek het die mense op aarde die enigste begaanbare weg getoon deurdat Ek
hulle onderrig en My leer Self gestalte gee, deurdat Ek die weg gegaan het
wat alle mense moet gaan om tot My te kom. Dit is die “weg van die
liefde”. Slegs die gaan van die weg verseker die mens die Hemelryk, d.w.s.
om opgeneem te word na sy liggaamlike dood in die ligsfeer waar die siel
gelukkig is in My nabyheid.
My leer is egter ontaard. Dit is alleen nog in die verborge te vinde in ‘n
stelsel van menslike toevoegings, verkeerde uitlegginge en die nakom van
onbelangrike gebooie wat nooit as te nimmer deur My aan die mense gegee
was nie. Wat egter ‘n groot gevaar is, dat die belangrikste gebod van die
liefde oor die hoof gesien word en sodoende onvervul bly.
Watter nut het dit vir julle mense as julle julself so kasty, as julle
pligsgetrou handelinge verrig of My met die mond bely, as julle die gebod
van die liefde nie as die eerste en vernaamste erken en daar gevolg aan
gee nie? Julle wil My vereer deur tallose seremonies, maar julle kan My tog
alleen maar eer as julle doen wat Ek van julle verlang. En Ek verlang van
julle liefde tot My en tot julle naaste. Solank julle by ernstige selfkritiek nog
‘n tekort aan liefde by julself ontdek, is julle nog nie op die goeie weg nie,
266