DEEL 2 Reïnkarnasie - Ja of nee? - Nuweopenbaring

Die geestelike besit sal julle steeds gelukkiger maak en dit sal vir julle tot
werklikheid word, sodat julle die aarde met sy goedere die rug toekeer,
sodat julle graag opgee wat deel uitmaak van die wêreld, om die heerlikste
daarvoor te ruil: Die goedere wat van My afkomstig is en wat julle
voortdurend aangebied word, sodat julle daarvan kan geniet en na julle
siele volwasse word en met hierdie goedere werk, solank julle nog op aarde
is, sodat julle, julle geesterykdom kan vergroot, sodat julle, julle
medemens gelukkig kan maak en probeer om hulle van die wêreld afkerig
te maak.
Werk onophoudelik met die geestelike skatte en dit sal hulself vermeerder,
ofskoon julle voortdurend daarvan weggee. En ryk geseënd sal julle ingaan
in die geesteryk, waar julle dan eers julle skatte in volle omvang sal kan
sien, waar julle tot julle eie vreugde sal kan werk en vir al diegene die
hoogste geluksaligheid sal kan berei wat julle met julle geestelike skatte
gelukkig maak, omdat die liefde julle daartoe gedryf het, die liefde vir My
en vir die geestelike wat nog ly, wat julle hulp nodig het om salig te word.
Amen
Hulp vir arme siele - Liefde verlos
5203 4 September 1951
In die ryk hierna word alles waardeer wat die siele opwaarts help. Die liefde
wat die nog onvolwasse geestelike gestuur word is die enigste
verlossingsmiddel solank hulle nie uit eie krag kan opstaan nie, d.w.s.
solank hulle nog nie in liefde kan werk nie omdat hulle sonder krag is. Alles
wat hierdie wesens krag besorg, het My seën omdat dit voortkom uit die
beginsel van die liefde. Want die liefde wat deur die mense bewys word aan
die onvolwasse geestelike moet op die een of ander wyse sy verlossende
uitwerking op aarde hê of ook in die hiernamaals. Want geen liefdesvonk is
sonder krag nie, dus beteken liefdadigheid steeds toevoer van krag.
Julle, mense op aarde, sou daarom baie hulp kan verleen, as die liefde julle
daartoe aanspoor om aan die siele in die hiernamaals te dink wie heeltemal
kragteloos is en daarom van hulpverlening afhanklik is. En alles wat julle
doen om hulle krag te gee, alles wat julle doen om verlossend te werk sal
My welgevallig wees en nooit nutteloos wees nie.
Daar is maar gering liefde te vind onder die mense op aarde en nog minder
dink hulle aan die siele in die hiernamaals, omdat hulle die geloof aan ‘n
lewe ná die dood ontbreek. Bomate bitter is die uitwerking van ongeloof op
die siele in die hiernamaals wat onverlos en uiters in ‘n donkere omgewing
bly en hulle nie self kan help nie. Elke goeie gedagte aan hulle, elke
liefdevolle wens vir hul welsyn is vir hulle ‘n verliging van hul kwelling en
word deur hulle dankbaar aanvaar.
Dog die siele wat in die duisternis smag word deur min goeie en liefdevolle
gedagtes vergesel en hierdie siele is daarom in uiterste nood. Daarom sal
53