DEEL 2 Reïnkarnasie - Ja of nee? - Nuweopenbaring

eëindig word, voor daar ‘n nuwe een begin. Daarom moet daar ‘n
duidelike wilsbeslissing plaasvind, waartoe die mense ryklik tyd en
geleentheid het en as aansporing word die naderende einde vir hulle
aangekondig. Maar hulle moet heeltemal sonder dwang besluit.
Daarom hou Ek dag en uur geheim, maar dit sal kom soos ‘n dief in die
nag, wanneer niemand hom verwag nie, sal hy daar wees, wanneer die
mense in die genietinge van die lewe hul bevrediging vind, wanneer hulle
rusteloos van die een genot op die ander jag maak, wanneer hulle alles om
hulle heen vergeet en vrolik is, wanneer hulle heeltemal vol lewensvreugde
sal wees. Dan sal die dag aanbreek wat aan alles ‘n einde sal maak. En dan
sal blyk wie vir My party trek of vir My teenstander, wat meester is van
hierdie wêreld. Dan sal alles geopenbaar word, lig en duisternis, waarheid
en leuen, liefde en haat, dan sal niemand hulle kan verberg of sy ware
wese verskuil hou nie. Dan sal elkeen hulle so voordoen soos wat hy in
werklikheid is, want die nood om hom ruk sy masker van sy gesig af en dan
sal elkeen die regte loon kry. Lig of duisternis, Hemelse geluksaligheid of
ewige verdoemenis. Amen
Die deur God gewilde verkeer met die geesteswêreld
5166 7 Julie 1951
Ontelbare geestelike wesens omring die aarde en hou hulle in die nabyheid
van die mense wat op die een of andere manier met hulle verbind is, deur
dieselfde volwassenheid van Gees, dieselfde gesindheid of bande in die
aardse lewe. Hulle almal bespeur dat daar iets van groot betekenis gaan
gebeur, hulle weet dat die aarde en sy bewoners iets te wagte staan, maar
alleen hoogontwikkelde geeste ken die ewige heilsplan van God en dus ook
die verloop van die komende tyd.
Daar heers ‘n uitermate naarstige aktiwiteit in die geesteswêreld, wat in
opdrag van God die mense op aarde te hulp wil kom om die graad van hul
volwassenheid nog soveel moontlik te vergroot, voor die dag aanbreek wat
hul lewe beëindig.
Die onwetende siele in die geesteryk bespeur ook ‘n algemene bedreiging
vir die mense op aarde en hou hulle instinktief op in die nabyheid van hulle
met wie hulle noue bande het. Hulle kan hulself geen uitsluitsel gee
waaroor hulle verontrus is nie en tog maak hulle hul sorge met die mense,
in die besonder hulle met wie hulle in liefde verbind was.
Daar bestaan ook ‘n wet en as gevolg daarvan is daar geen opheldering,
solank ‘n mens sonder liefde en geloof is nie. Want solank sal die siel van
die mens nie in staat wees om die waarheid in te sien en aan te neem nie.
Dieselfde geld ook vir die siele in die geesteryk wat die aarde nog
onvolwasse verlaat het. Hul ontbreek alle begrip vir die ewige waarheid en
dus is ook die heilsplan van God vir hulle onbegryplik, in ‘n sekere sin is
daar ‘n tekort in hulle denkvermoë te bemerk, hulle begryp nie wat hul aan
33