DEEL 2 Reïnkarnasie - Ja of nee? - Nuweopenbaring

houding teenoor God geleidelik deur Hom gelei te word in hulle denke en
handelinge. Want elke mens kan homself tot God wend en het vir sy
afwending van Hom geen ander verontskuldiging as die, dat hy nie wil nie.
Want sodra hy die waarheid wil weet, word dit ook vir hom gegee en dan
herstel die mens self weer die korrekte verhouding tot God.
Dat die mense so verskillend dink en wil, lê in hulself, want die verlange na
die waarheid waarborg ook die korrekte denke. Daarom moet elkeen
homself afvra hoeseer hy self na die waarheid verlang. Neem hy alles
onverskillig as geloofwaardig aan wat hom gebied word, dan het hy self
geen verlange na die waarheid nie, want anders sou hy dit ondersoek het.
En weer hy alles af wat hom aangebied word, dan kan dit eweneens
onverskilligheid wees teenoor die waarheid wat hy nie soek nie en daarom
ook nooit as waarheid sal herken nie.
Wanneer die mens onwetend is en geestelik blind voortgaan, is dit sy eie
skuld, omdat in hom geen verlange na die waarheid is nie. En geen mens
kan homself verontskuldig dat hy nie weet wat waarheid is en dat hy dit
self nie kan beoordeel nie, om welke rede hy alles afwys. Dit is wel nie
moontlik om met kennis uit homself die waarheid te ondersoek nie, omdat
net sy verstand nie so 'n ondersoek kan onderneem nie en hy God se hulp
daarvoor moet vra.
Maar sodra hy homself tot God wend om hulp en om geestelike
opheldering, sal hy ook duidelik waarheid van dwaling kan onderskei.
Daarvoor is die geloof in God egter nodig en selfs die verstand sal die
geloof kan aanvaar, as die wil van die mens goed is. Want die hele
skepping getuig van die aanwesigheid van ‘n wyse en almagtige God en
Skepper en vir hierdie skeppende Gees van die ewigheid sal dit moontlik
wees om hulp te bied aan elke wyse en denkende mens wat die waarheid
wil binnedring. Die mens sal ook spoedig opheldering ontvang oor sy
bestemming op aarde en hy sal dan sy lewensloop die korrekte betekenis
toeken en nie meer in onverskilligheid verder lewe nie. Hy sal dan oor die
verantwoording van sy siel bewus wees en trag om hom tot die hoogste
moontlike volmaaktheid te bring. Amen
Die krag van geloof – Sukses - Liefde
6110 16 November 1954
Deur ‘n vaste geloof in My hulp kan julle enige iets bereik, alhoewel dit vir
julle onmoontlik lyk, maar niks vir My onmoontlik is nie. Maar die Gees van
liefde moet in julle werksaam wees, alles wat julle doen of wens om te
bereik moet uit liefde wees. Dan moet My eie liefdeskrag, wat julle deur
julle liefde verdien het, onbetwisbaar in aksie gaan. En so is alles wat julle
vir My en My Koningkryk wil doen realiseerbaar, want dan is die liefde vir
My en julle medemens die dryfkrag, dan sal die toevloei van My liefdeskrag
in julle duidelik werksaam word, as julle net glo.
300