DEEL 2 Reïnkarnasie - Ja of nee? - Nuweopenbaring

Hierdie mense het reeds die wilsbeslissing gemaak en sodoende het hulle
op die nuwe aarde geen beproewing van hulle wil meer nodig nie. Hulle
behoort met siel en liggaam aan Jesus, van Wie hulle nimmermeer kan skei
nie. Al die sataniese sal egter smag in die duisternis en sal opnuut
gekluister wees in die hardste vorm. Hulle kan geen invloed meer uitoefen
op die geestelike wat na die "lig" streef nie. Hulle moet hulself volgens die
wil van Jesus voeg en is ook van hulle krag gestroop vir ‘n eindeloos lange
tyd.
En Satan self is verswak, want alles wat hom en sy mag sterkte gee, is
gekluister en aan sy invloed onttrek. Hy is ten midde van sy wêreld
kragteloos, totdat daar vir hom weer krag gegee sal word deur die
verkeerde wil van die mense. Dit sal egter net gebeur na ‘n lang tyd,
wanneer die eerste geslagte op aarde, die bewoners van die paradys en
hulle kinders en kindskinders, reeds lank al die geesteryk binnegegaan het
en wanneer daar dus weer nuwe geslagte sal wees en hulle weer uitmekaar
sal gaan, na gelang die rigting van hulle wil.
En dan sal daar ook weer mense wees wat hulself deur die materie
gevange laat neem en deur die begeerte daarna die kettings verbreek van
hom wat meester is van die onverloste wêreld. Dan sal die paradysagtige
toestand ook ten einde wees en die tyd van vrede sal weer ‘n tyd van stryd
word tussen lig en duisternis. Want nou weer sal die worsteling begin vir
die siele van die mense totdat daar weer ‘n ontwikkelingsperiode uitgeloop
het. Maar met die resultaat, dat tallose wesens tot vergeesteliking gekom
het en die mag van Satan steeds meer en meer afgeneem het, tot ook hy
homself eenmaal sal oorgee, waarvoor egter nog ondenkbare tye en
verlossingsperiodes nodig sal wees. Amen
Gaste aan tafel by Jesus.
5771 17 September 1953
Kom by My aan tafel, dan sal julle ook spys en drank ontvang as voedsel
vir julle siele. Waaraan het julle meer behoefte as dit, wat julle siele krag
gee? Waaraan kan julle gebrek hê, as julle vir julle siele gesorg het, as julle
allereers strewe na dit wat julle tot heil strek. Dan vervul julle geheel en al
die doel van julle lewe op aarde en die liggaam sal ook dit waaraan hy
behoefte het ontvang, solank hy die siel tot verblyfplek moet dien. En Ek
weet waaragtig, hoelang julle siele sy omhulsel nodig het, hoelank julle as
mens op aarde moet lewe, om julle siele die nodige volwassenheid te gee.
En solank sal die liggaam ook bly bestaan.
As julle dus van My iets verlang, alleen vir julle siele, sal julle ryklik
ontvang, julle siele sal geen gebrek hoef te ly nie en die liggaam sal ook in
oorvloed hê, omdat julle eerste julle beste doen, om My wil te vervul, My
woord tot julle te neem, My aan te hoor en julle dus gaste is wat bereid is
om te ontvang aan tafel by Jesus. Ek wil julle voortdurend voedsel vir julle
199