DEEL 2 Reïnkarnasie - Ja of nee? - Nuweopenbaring

het, nodig wees nie. Maar sodra nuwe geslagte uit hulle voortkom, sal die
kennis ook weer aan hulle gegee moet word. En die einde van die ou aarde
moet vir hulle in die besonder voorgehou word, sodat ook hulle as lewende
mense hulself innig met My kan verbind om My kinders te wees en te bly.
Die lewendige getuienis sal ‘n besondere invloed op hulle harte hê en hulle
sal in die komende tye verkondig wat aan hulle deur julle gegee was. En
dan sal die geloof en die liefde tot My vir ‘n lang tyd behoue bly.
Vir ‘n lang tyd sal die mensegeslag in vrede en eendrag lewe en in
harmonie met die oneindige voortdurende verbinding met My. My Gees sal
hulle harte binnestroom en hulle sal My woord kan verneem en salig word.
Maar tog sal hulle toestand weer verander en die invloed van die
teenkragte sal eers maar swak, maar daarna steeds sterker word en
herkenbaar wees. Want die geestelike wat in die skepping gekluister is, sal
weer as mens tot beliggaming kom en sal dan weer so verskillend ontwikkel
wees dat hulle weer in die stadium as mens met aanlegte en neigings
tevoorskyn sal kom wat ‘n groot verandering sal vereis en wat altyd nog ‘n
swak weerstand teen My verraai. En dit is waar dat daar weer mense op
aarde sal lewe wat besonder doeltreffende opvoedingsmiddele sal benodig.
Daarom sal dit nodig wees om vir hulle kennis te gee oor die uitwerking
van ‘n lewenswandel wat nie volgens My Wil is nie.
En dan sal daar weer ‘n stryd tussen lig en duisternis ontbrand, want die
verlange na die materiële sal weer sterker word in die harte van die mense
en My woord sal nie meer direk verneem kan word nie, daar sal in opdrag
van My, weer verkondigers van My woord tot hulle spreek en sodat dit
lewendig moet geskied, moet daar ook getuig word van die einde van die
ou en die begin van die nuwe aarde. Sodoende het die mense wat die einde
belewe het en My trou gebly het tot aan die einde, ook op die nuwe aarde
‘n opdrag, naamlik om daarvoor te sorg dat hulle kennis behoue bly, sodat
die nageslag ook eenmaal die gebeurtenisse vir hulself voor die Gees kan
haal om sodoende aangespoor te word om binne My wil te bly, om My
lewend in hulle harte toe te laat en hulle strewe altyd weer op My te rig.
Amen
Tot godloonaars
5744 11 Augustus 1953
Tot hulle wil Ek nou spreek wie nog nie die regte besluit kan neem nie, wat
ook nie onwillig is om te glo nie, maar My tog ook nog nie met oortuiging
kan aanvaar nie. Tot hulle, wat hul verstandelike kennis nog teenoor die
kennis stel waarmee My aanhangers op aarde hulle in aanraking mag bring.
Tot hulle, wat eers alles bewys wil hê en met diep nadenke glo om alles te
kan deurgrond of te weerlê. Maar hul kennis dood die Gees, want dit wat as
hoër waarheid aangedui word, dit wat aards nie te bewys is nie omdat daar
geen geloofsdwang uitgeoefen mag word in die aardse lewe nie, wat
189