DEEL 2 Reïnkarnasie - Ja of nee? - Nuweopenbaring

y my. Die voorwaarde is egter ‘n diep geloof om van My teenwoordigheid
oortuig te wees en die geloof kan alleen deur die liefde verkry word. Dus,
die belangrikste is die liefde. Sonder liefde kan daar nooit ‘n verbinding met
My tot stand gebring word nie, sonder liefde is alles 'n leuen wat My
teenwoordigheid geloofwaardig moet maak. Daarom sien julle almal dat
geen mens hom van My bewus kan word wat sonder liefde is nie,
daarenteen het elkeen wat in die liefde leef My ook as ‘n vaste begeleier
naas hom.
My teenwoordigheid sal hom egter ook altyd op die een of andere wyse
kenbaar maak. Of, deur ‘n heel sterk geloof, of deur geestesgawes van die
mees uiteenlopende aard, deur die doen van bekeringswerk, deur die hoor
van My Stem in waker toestand of deur hulpverlening wat ‘n buitengewone
krag vereis. Steeds en voortdurend werk My Gees wat die sigbare teken is
van My teenwoordigheid, wat nie ontken kan word nie, by die mense wat
onselfsugtig werksaam is in liefde. Rig daarom julle aandag op die mense
wat hulle as My dienare uitgee en kyk hoe dit met die liefde tot My en die
naaste gestel is, dan sal julle ook weet hoe julle hul geestelike uitsprake
moet beoordeel.
Die regte liefde waarborg julle egter ook My beskerming teen onreine
geestelike kragte, wat hulle steeds aan julle opdring, wat egter deur julle
wese, julle wil om die waarheid te ken en julle strewe om lief te hê, steeds
afgeweer word omdat hulle dan in ‘n sekere sin My teenwoordigheid
bespeur en daarom van julle moet wyk. Ewenwel sal hulle hul soms tog
toegang verskaf, wanneer die mens homself nie onder strenge toesig hou
nie, d.w.s. as hy deur die geringste liefdeloosheid hulle die reg oor hom
toeken. Want die liefdeloosheid personifiseer hom wat sonder enige liefde
is, wat egter ook mag het daar waar dit hom verleen word. Daarom is
steeds die liefde alleen ‘n waarborg vir My teenwoordigheid en om hierdie
liefde te beproef is julle almal toegestaan as julle julself wil oortuig van die
waarheid van dit wat as geestelik goed deur die mense uitgedra word.
Ek kom waarlik alleen tot julle met goeie gawes. Ek sal julle niks aanbied
waaraan julle hart hom kan erger nie. Want Ek is ‘n God van liefde en ‘n
troue Vader vir My kinders. En wanneer Ek tot julle spreek, kan julle ook
die Stem van julle Vader herken en hoef julle nie te vrees om die slagoffer
van ‘n illusie te wees as My Vaderlike Woorde julle hart tref nie.
Maar ook moet julle net soos kinders na My toe kom, julle moet vol van
liefde na My kom, omdat julle My anders nie kan hoor nie. Sonder liefde sal
julle baie eerder ten offer val aan My teenstander wat julle met valse
woorde wil wen, wat julle mislei as ‘n engel van die lig, as hy sukses
daarmee kan behaal.
Die liefde is en bly dus altyd deurslaggewend. My teenstander kan daarom
nooit ‘n liefdevolle mens benader nie, omdat Ek dan Self tussen hom en die
teenstander staan, omdat Ek Self die liefde is. ‘n Goeie en liefdevolle mens
kan daarom ook nie deur My teenstander mislei word nie. Maar te alle tye
67