DEEL 2 Reïnkarnasie - Ja of nee? - Nuweopenbaring

aanrig onder die mense en daarom ‘n hindernis beteken vir die geestelike
ontwikkeling in vrye wil. Ook kan die mens so nou en dan aan kosmiese
invloede blootgestel word, maar nimmer word hulle daardeur tot ‘n
beslissing gedwing wat bepalend is vir die geestelike ontwikkeling nie.
Maar die verlange om dit wat verborge is, te onthul, kan nie deur die mens
bevredig word nie, want wat God verborge hou, sal die mens nie kan
blootlê nie, tensy God dit vir hulle laat weet om hulle te help om opwaarts
te gaan, as Hy self toekomstige dinge bekendmaak om die mense teen die
gevaar van ‘n val in die diepte te behoed. Amen
Die gevolge van liefdeloosheid in die hiernamaals
5322 23 Februarie 1952
Die liefdeloosheid het verstrekende gevolge op aarde sowel as in die
hiernamaals, want dit omring die siel met die digste bedekking sodat geen
ligstraal by hom kan binnendring nie en hulle ewig in die donker bly. Lig is
orals, maar waar dit die menslike siel nie kan binnendring nie daar is
duisternis. Die liefde straal lig uit en verlig so die siel van binne. Die
omhulsel los op en die lig kan dan van buite af inwerk en die siel insig gee.
Op die aarde beteken insig hê, die ken van die ewige waarheid, van die
betekenis en die doel van die aardse lewe en die besef van die voortdurend
toenemende liefde tot God. In die ryk hierna egter is die lig alleen aan die
siel verseker wat deur die liefde op aarde tot insig gekom het. Die
duisternis het vir goed verdwyn en vir die siel is alles duidelik. Vir hom is
daar niks onsekers meer nie, niks is onbegryplik en niks onmoontlik nie,
want hy self het vol van lig en krag geword deur die liefde.
Die liefdeloosheid is daarom die ewige ondergang vir die siel, want ‘n siel
wat nog in die diepste duisternis smag is onsalig. Hy het die duisternis ten
prooi geval omdat hy self heeltemal sonder liefde is en hierdie toestand ook
vir die siele wil berei wat hulle deur hom laat beïnvloed het. Wie alleen vol
eieliefde is en teenoor die mense alleen liefdeloos handel omdat Satan hulle
daartoe verlei, want hy wil sy eie gevoelens op die mense oordra sodat
hulle hom onderdanig word.
Die liefdeloosheid is die dood van die siel. Dit vergiftig die denke van die
mense, sodat die resultate van die denke leuens en boosaardigheid is,
waaruit dade van haat voortkom, waaruit weer die kwade sal voortkom. Dit
kan ook nie anders nie, want waar liefde heers daar is God en waar
liefdeloosheid en haat te voorskyn kom daar is Satan. En hy voer so'n
heerskappy dat hy waarlik te veroordeel is as die grootste vyand van die
siele, wat die mense nie alleen op die aarde najaag en hulle vir hom
probeer wen nie, maar met hewiger boosaardigheid in die hiernamaals
werk en ook daar probeer om op die siele in te werk. Hy probeer hulle tot
steeds groter hardvogtigheid aan spoor om hulle steeds dieper na benede
in die afgrond te trek. En omdat liefdeloosheid so'n afskrikwekkende
91