DEEL 2 Reïnkarnasie - Ja of nee? - Nuweopenbaring

moet weer in die hardste materie gekluister word, om na ‘n eindelose lang
tyd weer as mens toegelaat te word tot ‘n laaste wilstoets.
Die getal van hulle wat die aardse lewe werklik goed benut vir hulle
voleinding, is baie klein, omdat die Gees van My teenstander so
vergiftigend inwerk op alle aardse bewoners, dat die aarde eers gereinig
moet word voordat hy sy eintlike doel weer kan nakom. En hierdie reiniging
wil Ek voltrek deur ‘n geweldige omvormingswerk, waaraan die mense nie
meer kan ontsnap nie omdat hulle dit self veroorsaak het deur hulle gedrag
en hulle volledig ongehoorsame gesindheid teenoor My. Daar moet ‘n
verandering teweeggebring word, want dit gaan om My geskapenes wat ‘n
eindeloos lange tyd sal moet ly, as hulle nie hulle ontwikkelingsweg op
aarde volgens My Wil wil voltooi nie.
En die tydstip het gekom, alhoewel dit vir julle ongelooflik lyk, dat daar iets
in die skepping, in die natuur, sal gebeur wat nog nooit op aarde gebeur
het nie. Die aarde bevind homself in sy huidige vorm, aan die einde van sy
bestaan. Julle almal kan nie verstaan wat dit beteken as alles ophou
bestaan nie. Dat mense, diere en al die skeppingswerke aan hulle einde
gekom het en daar ‘n geheel nuwe aarde ontstaan nie. Dit kan julle in julle
stoutste gedagtes nie vir julself voorstel nie, ‘n hele nuwe skeppingswerk,
wat julle oog nog nooit aanskou het nie, ontstaan en dat dit wonder op
wonder sal beteken vir julle wat die nuwe aarde sal belewe en laat herlewe.
Deur die tye heen het Ek die mense daarop gewys dat daar ‘n nuwe aarde
en ‘n nuwe hemel sal ontstaan. Die mense het nie die betekenis daarvan
verstaan nie. Maar My woord is waarheid en sal vervul word. Maar dit sal
alleen ‘n bewys wees van My Goddelikheid vir die weiniges wat deur ‘n
vaste geloof in My, Myne geword het. Vir wie Ek die paradys op die nuwe
aarde kan oopsluit, omdat hulle My kinders is en dit ook vir ewig sal bly.
Hierdie weiniges verstaan ook die betekenis van My woord en hulle sal My
en My koms in vaste geloof verwag, sodat hulle gered sal word uit die nood
wat hierdie laaste tyd sal voorafgaan. Want hulle is My "kinders" wat Ek sal
kom haal wanneer die tyd vervul is. Amen
Pasga - Sabbat
6233 9 April 1955
My lyding en sterwe aan die kruis was nie te vermy nie. Ek moes die kelk
drink tot die laaste druppel. Ek moes alles op My neem om die
verlossingswerk vir die mense te volbring, wat hulle bevry het van alle
skuld. Alleen net die besef van julle beklaenswaardige toestand, het My
aangespoor om hierdie offergang te gaan, want My hart was vol liefde vir
julle en hierdie liefde wou die ontsettende lot wat op julle sou wag na julle
liggaamlike dood, van julle af wegneem.
Omdat Ek die ondraaglike lot geken het, omdat Ek sowel die saligheid van
die ligryk, asook die lyding en die kwellinge van die ryk van die duisternis
323