DEEL 2 Reïnkarnasie - Ja of nee? - Nuweopenbaring

Die stoflike substansies van die liggaam, wat eintlik geestelike substansies
is, het hul eindbestemming reeds op aarde bereik en kon by die siel
aansluit. En omdat Ek dit so wil kon dit sigbaar wees, tot versterking van
die geloof van My disipels.
En omdat die geestelike volmaakte nie aan die aarde gebind is nie, kon Ek
in geestelike sfere gaan toe Ek opvaar Hemel toe. En so sal ook julle mense
na julle afsterwe ‘n liggaam hê, ‘n geestelike kleed, maar dit sal soos julle
vlees lyk, want wat julle gesaai het sal julle maai. Het julle gesondig in die
vlees, dan sal julle sieleekleed dit verraai. Het julle goeie dade en werke
verrig, dan sal julle “straal” en so vir elkeen kenbaar wees. Maar nooit sal
julle siele hom weer beklee met die sware aardse kleed wat slegs vir hierdie
korte aardse tyd julle blyplek was nie, om in die materiële wêreld sy opdrag
te vervul.
Wie die betekenis en die doel van die materiële skepping ken en die
ontwikkelingsgang van die gevale geestelike deur die skepping met die doel
om die weg na bo te gaan, na My, die het die opheldering nie meer nodig
nie. Maar hy moet die leer van die “opstanding van die vlees”, wat onsinnig
is deur verkeerde uitleg, ook kan weerlê. As julle egter beslis van die
opstanding van die “vlees” wil praat, neem dan met hierdie uitleg genoë:
dat My Woord sal opstaan om te getuig, vir of teen julle.
Want Ek is die vleesgeworde Woord en Ek benader elke mens in die Woord.
En as die laaste dag gekom het en julle almal voor die Regter moet verskyn
dan sal My Woord julle tot ‘n oordeel word, julle wat My Woord aanneem
maar dit volgens julle eie wil gebruik. Die vlees sal opstaan, want dit word
julle as voedsel aangebied. Julle moet “My vlees eet en My bloed drink”
d.w.s. julle moet My Woord hongerig aanneem en julle daardeur laat
versterk. Want julle sal julle moet verantwoord voor My hoe julle My
liefdesgawe benut het.
Hierdie uitleg is heeltemal volgens die waarheid. Dit moet julle aanspoor
om julle lewe in die vlees op hierdie aarde goed te gebruik, deurdat julle,
julle deur My te ete en te drinke laat gee, Ek wat die Woord van ewigheid
is, wat om julle ontwil “vlees” geword het. Uit beide uitlegginge sal julle
ware wysheid tegemoet straal, selfs as julle nog nie in die geestelike kennis
deurgedring het nie. En elke uitleg van My sal julle bereidwillig aanneem as
julle ‘n ontwaakte gees het. Want elkeen sal julle bevredig, terwyl die
verkeerde uitleg van My Woord ‘n afkeer in julle opwek of sou opwek,
omdat hierdie verkeerde uitleg afkomstig is van My teenstander wie se doel
dit is om die gedagtes van die mense te verwar, hulle van die waarheid af
te bring en hul alle geloof in ‘n lewe na die dood te ontneem.
So'n verkeerde uitleg getuig ook van die geestelike lae graad van die
mense, in die besonder hulle wat My Woord aan die mense bring, maar self
nog nie tot die geestelike betekenis van My Woord kon deurgedring nie. Die
letter maak dood, die Gees maak lewend. En om hierdie Gees moet julle
almal vra. Julle moet bid dat julle denke verlig word en julle moet strewe
272