DEEL 2 Reïnkarnasie - Ja of nee? - Nuweopenbaring

Die lot in die hiernamaals beantwoord aan die dink
en strewe op aarde
6054 16 September 1954
Soos julle dink en strewe op hierdie aarde, so sal ook julle lot na julle
liggaamlike dood in die ryk hierna wees. Soek julle die lig en die waarheid
op hierdie aarde, dan sal ook daar lig op julle wag. Gee julle egter die
voorkeur aan die duisternis omdat die aardse stof julle oë verblind, dan is
julle verblyf daar ook in ‘n donkere omgewing, in ‘n sfeer waarin julle
ongelukkig voel omdat die lig julle ontbreek. Maar julle kry die loon wat
julle wens.
Hier op aarde word julle voortdurend in kontak gebring met die lig en word
vir julle die weg tot die Ewige lewe helder en duidelik verlig, sodat julle dit
slegs moet volg om na julle liggaamlike dood in die ryk van die lig aan te
kom. Wanneer julle egter die lig nie aanneem nie, wanneer julle donkere
weë gaan, sal julle ook alleen maar in donkere gebiede kom.
Dat julle mense so weinig besig bly met wat na julle dood met julle gebeur.
Julle gooi hierdie gedagtes, wanneer hulle in julle opkom, van julle af en rig
julle oë steeds weer op die wêreld en op die materie daarvan. Omdat dit
egter verganklik is kan julle dit nie saamneem in die ryk hierna nie. En as
stoflike goed julle enigste rykdom op aarde is, kom julle in die ryk hierna
arm en naak aan.
Waarom versamel julle op die aarde geen besittings wat bly bestaan en
julle begelei op julle weg in die ryk hierna nie? Waarom is julle alleen maar
begerig na die verganklike goed van hierdie wêreld? Steeds weer word julle
die resultaat van julle lewenswandel onder oë gebring, julle word
opmerksaam gemaak op julle toestand na julle afsterwe op hierdie aarde.
Julle skenk heel weinig aandag aan waaskuwings en vermaninge, julle leef
sonder las van julle gewete van die een dag na die ander en tog kan julle
môre reeds opgeroep word om julle laatste gang te moet gaan. En dan
ontvang julle wat julle nagestreef het op aarde, lig of duisternis.
Daar kan vir julle niks anders gegee word as dit wat julle deur julle aardse
lewenswandel verwerf het nie. Maar solank julle op aarde leef, dink aan die
tyd na julle dood, dink aan julle siele wat onverganklik is en ook aan julle
lot in die hiernamaals wat julself op aarde berei. Streef op aarde na die lig
en besorg julle siele die saligheid in die geesteryk. Amen
’n Fisiese ontmoeting tussen bewoners van
verskillende hemelliggame is onmoontlik
6065 26 September 1954
Slegs dit wat die beste is vir julle siele word as kennis aan julle gestuur.
Julle sal nooit mag binnedring in gebiede wat julle tot skade van die siel sal
strek nie, solank dit julle wil sal wees om met My in verbinding te staan.
Maar met die hulp van sataniese kragte, kan julle sulke kennis onregmatig
289