DEEL 2 Reïnkarnasie - Ja of nee? - Nuweopenbaring

Daarom het Hy bewus gely en het ook bewus gesterf, daarom bid Hy My
om ontferming vir sy beule(laksman) en in volle bewusyn spreek Hy die
woorde: "Vader, in U hande beveel Ek My Gees”.
Die verbintenis tussen Homself en My hou Hy ewig, want Hy kon Homself
nie meer losmaak van Hom, met Wie Hy een geword het deur die Liefde
nie. En daarom was Ek in Hom en Hy in My, daar bestaan geen skeiding
tussen ons Beide nie, omdat die Liefde, die oersubstansie van Myself ook
Hom heeltemal vervul het en Ek dus by en in Hom moes wees, ofskoon Ek
as Krag passief bly, tot die mens Jesus sy werk volbring het. Hy en Ek, Ons
is een en wie Hom sien, sien die Vader, want die Vader is die Liefde en die
Liefde is in die Seun.
Maar die Liefde kan nie sterwe nie en dus het Hy op die derde dag weer
opgestaan en Hy bring ook sy liggaam weer tot lewe, wat deur die lyding
van Jesus geheel vergeestelik was en geen verdere ontwikkelingsgang op
aarde meer nodig het. So het die Liefde die dood oorwin, die Goddelike
Heiland overwin die Satan, die Lig breek deur die duisternis heen en die
weg na die ewige Lig staan oop. Amen
Die op hoogte wees van doel en bestemming -
Kindskap van God
5222 29 September 1951
Julle is voortbestem om kinders van God te word en julle kan die doel ook
bereik. Maar is julle, wel op hoogte van julle doel, van julle bestemming op
die aarde? En dra julself daar nie die skuld van dat julle niks daarvan weet
nie? Lei julle nie ‘n lewenswandel wat julle geen enkele insig kan oplewer
nie? Is julle nie blind van Gees nie?
En so moet julle julself ernstig afvra, waarom julle sonder kennis is en Ek
sal julle die antwoord gee: Julle mis die liefde wat julle na die insig lei, want
die liefde is die sleutel tot die wysheid, die liefde lei julle die waarheid binne
en so sal vir julle die doel en die bestemming duidelik wees, as julle in die
liefde leef.
Die kennis van die waarheid kan julle ook wel gebring word, wanneer julle
sonder liefde deur die aardse lewe gaan en dit word julle ook gebring om
julle verantwoordelikheidsgevoel te wek, maar julle sal nooit glo wat julle
gesê word nie, ook wanneer dit die waarheid is, omdat sonder liefde die
krag julle ontbreek om dit in te sien. Daarom sal My woord, wanneer dit
julle gepredik word, solank sonder resultaat bly en deur julle nie ernstig
geneem word nie, tot julle uit eie beweging werksaam word in die liefde.
En daarom moet steeds die liefde in die eerste plek gepreek word en wie
nou die woorde ter harte neem, sal volwasse word aan insig en kan glo wat
hom geleer word. Julle almal is voortbestem tot kindskap van God, tot ‘n
uitermate salige staat in volheid van lig en krag. Julle is daartoe
voortbestem maar kan egter nooit deur My onder dwang in die staat
59