DEEL 2 Reïnkarnasie - Ja of nee? - Nuweopenbaring

heil van die siel van hul beskermlinge lê hulle daarom buitengewoon na aan
die hart, Ook ken hulle die seën van lyding vir alle mense en daarom is die
lyding dikwels nie te ontgaan nie, ofskoon die ligwesens vervul is met liefde
vir die mense.
Maar om ‘n siel gered te hê, maak elke ligwese gelukkig want hulle is
immers op hoogte van die eindelose durende toestand van kwelling van die
geestelike wat opnuut in die materie gekluister word. Teenoor hierdie
toestand van kwelling is ook die grootste leed op aarde gering te noem en
om die rede pas die helpers dit toe, deurdat hulle aardse geluk versteur en
dikwels so smartlik ingryp in die lewe van ‘n mens dat ‘n liefdevolle motief
nouliks nog te herken is, maar dit is alleen liefde vir en sorg om die siel van
die mens wat hom in die grootste gevaar bevind. Want solank hy nog op
aarde vertoef, word hy ook nie deur sy geestelike vriende en leiers opgegee
nie.
En omdat die tyd steeds korter word wat julle, mense nog oorbly tot die
einde, word ook die smartlike ingrype van die ligwesens steeds
veelvuldiger, want hulle handel in opdrag van God, hulle is vir Hom tog
medewerkers wat in Sy Wil werksaam is. Die mense versamel steeds meer
aardse goedere, hulle is die wêreld en sy vreugde steeds meer toegedaan
en daarom moet vir hulle dikwels aardse geluk in die grond geboor word,
hulle moet die aftakeling van aardse goedere meemaak, hulle moet die
banaliteit van die vreugde van die wêreld leer insien.
En dit alles is slegs moontlik wanneer dinge nie volgens hul wense verloop
nie, wanneer hulle deur slae van die noodlot van allerlei aard verhinder
word om die ongeremde genieting van dit wat hulle nastreef. Dan is dit
moontlik dat hulle hul gedagtes ‘n andere rigting gee en dan sou die aardse
verlies ‘n buitengewone geestelike wins wees. Dan het die ligwesens die
sege behaal en die siele gehelp om te lewe, waarvoor die siele hulle ewig
sal dank. Dit is vir alle ligwesens duidelik in wat vir ‘n duisternis die mense
op aarde voortgaan en hulle weet ook dat die wêreld daar skuld aan het.
Daarom is hul inspanning gerig om steeds die gedagtes van die mense van
die wêreld af te wend en hulle probeer dit te bereik deur middele wat hard
en liefdeloos bleik maar steeds gebaseer is op die liefde, omdat hulle een is
met God en daarom ook vervul is met liefde vir alle nog ongelukkiges op
aarde.
Dit is nog maar ‘n kort tyd voor die einde, maar hierdie kort tyd sal ook
baie swaar wees, omdat alle siele aangeraak moet word wat nie vrywillig
van die wêreld afstand doen en hom na God keer nie. En so moet elke
moeilike belewenis, elke harde slag van die noodlot gesien en erken word
as reddingsmiddel wat met Goddelike toestemming nog by die mense
gebruik moet word wat in gevaar is om in die afgrond te sink. Want elke
siel het in die hiernamaals sy helper en beskermer, wat egter steeds sy wil
in ag moet neem, omdat daar anders waarlik geen mens verlore sal gaan
nie, maar nog voor die einde die terugweg na God sou vind. Amen
506