DEEL 2 Reïnkarnasie - Ja of nee? - Nuweopenbaring

Julle mense moet julle lewe op aarde so beskou, dan weet julle ook dat
julle nie gewetenloos kan lewe nie. Dat wanneer die liggaamlike lewe
beëindig is en die siel die skuld moet betaal waarmee hulle hul self belas
het. En weet, dat alles wat julle die wêreld aan tol betaal het, die siel
ontneem sal word en dat armoede in die hiernamaals die gevolg daarvan is.
Weet, dat daar ‘n vereffening is vir elke uur wat julle My teenstander
toejuig en julle die genoë van die wêreld toegedaan is en My heeltemal
vergeet het.
Die aardse lewe is julle gegee tot voltooiing van julle siele. Maar wat doen
julle? Julle versorg slegs julle liggaam en vervul al sy wense. Julle word
dronk van wêreldse plesier en julle loop al te gewillig in die val wat die
vyand vir julle stel.
Julle neem van julle siele en gee dit aan julle liggaam en dit moet julle
duisendvoudig betaal. Want julle nood sal bomate groot wees as julle die
geesteryk ingaan, waar alleen waardeer word wat die siel aan
onverganklike goed saambring. Die siel sal groot gebrek ly en niemand sal
hulle help as hulle hulself nie tot Jesus Christus wend nie, van Wie hulle
egter in hulle duistere toestand nie weet nie. Alleen Hy kan hulle help. Maar
ewighede kan verby gaan voordat die siel die insig verkry en so tot Hom
keer. Ewighede kan hulle hul skuld so saamsleep, omdat My regverdigheid
hulle nie kan verlos solank hulle self My nie daarom bid nie. Amen
Die geloofstryd is meedoënloos - Volhard in die
geloof
5324 27 Februarie 1952
Dit is dringend nodig dat julle moet volhard in die laaste geloofstryd, want
daar sal eise aan julle gestel word wat julle nie sonder ‘n vaste en
onwankelbare geloof sal kan nakom nie. Baie sal vir julle onoorkomelik lyk,
as julle nie ‘n beroep op My krag in geloof doen nie. Want byna onmenslik
sal die vyand van julle siele teen julle optree en hy sal die van hulle wat op
aarde mag besit en daarby vol lis en boosaardigheid is, bedien en sal met
almal wat nog glo, die stryd aanknoop.
Dit sal so ‘n openlike optrede van sataniese mag wees, dat julle duidelik sal
weet welke uur geslaan het. Dan weet julle dat dit die laaste tydperk van
die eindtyd is en dat dit nog maar ‘n kort tydjie sal duur voordat julle verlos
sal word van hierdie mag; wat julle egter nie sal kan skaad as julle ‘n vaste
geloof julle eie kan noem nie. Die optrede van die vyand rig homself so
duidelik teen Myself, dat julle reeds daaraan sal kan herken dat hy sy
wettige gesag oortree het. En daarom het Ek julle verkondig dat die einde
naby is. Want die mens is op die aarde om tussen twee magte te kies en
moet daarom ook van die twee magte weet. Sodra ‘n mag die kennis oor
die ander "Mag" verhinder, oorskry hy sy bevoegdheid en doen dit nie
ongestraf nie.
93