DEEL 2 Reïnkarnasie - Ja of nee? - Nuweopenbaring

Die regte naasteliefde
6121 27 November 1954
Om ‘n offer te bring ten gunste van julle medemens is regte naasteliefde,
dan het julle, julle naaste meer lief as julself. En gee julle hom dieselfde
wat vir julself begerenswaardig is, dan het julle hom lief soos julself. Ek
verlang alleen hierdie naasteliefde; maar ook moet dit vrywillig beoefen
word en dan sal dit julle geestelike seën oplewer.
As julle tot offer bereid is, as julle vrywillig afstand doen om aan julle
naaste te kan gee, dan is hierdie naasteliefde nog heel wat waardevoller en
dus ook dan vir julle siele aansienlik groter. Die mens is ‘n sekere mate van
eieliefde toegestaan, want dit is nodig vir die vervulling van die aardse
opdrag, dat die mens sy liggaamlike lewe in stand hou, dat hy homself gee
wat die liggaam nodig het om die aardse lewe te kan volbring. Alleen mag
hierdie eieliefde die maat nie oorskry sodat hy nie aan sy naaste dink nie,
dat hy alles alleen maar vir homself bestem, dus sy liefde verkeerd rig.
Daarom voeg Ek die woorde daaraan toe: “soos julself". Die mens kan nou
self die maatstaf maak vir sy dink en handel. Hy moet My Wil vervul en aan
sy naaste op dieselfde wys dink as wat hy bedag is op sy eie welsyn. En na
gelang die bereidheid van die hart om liefde te skenk, sal die mens nou
makliker of moeiliker My gebod vervul.
Wie homself egter by sy naaste agterstel, die se hart is bomate bereid om
liefde te skenk en hy sal heel maklik tot voltooiing kom. Maar by alles word
julle die vrye keuse gelaat. Ek gee julle wel die gebod van die liefde, maar
wie dit nie vervul nie ag die gebod nie. En wie die liefde in hom het, het My
gebod nie nodig nie. En dit is die regte liefde wat vanuit homself werksaam
word sonder om deur gebooie daaraan gehou te word.
Die mens wat oplettend gemaak word op My gebod van die liefde kan ook
sonder innerlike drang werke van liefde verrig, in die begin egter slegs
aangespoor deur die gebod, tot die liefdevonk in hom meer en meer
ontvlam en dit die mens nou self gelukkig maak as hy teenoor die naaste in
liefde handel. Maar dit het eers waarde as die liefde die beweegrede
daarvan is.
Het julle naaste lief soos julself. Eieliefde besit alle mense en dit is ook reg.
Maar dit mag die liefde tot die medemens nie oortref nie, wat egter die
geval is as die mens by die nood van sy medemens verby gaan en glo om
niks te kan gee omdat hy self nie baie besit nie. Hy moet ook die weinige
met hom deel en hy sal geen skade daardeur ondervind nie, want as hy dit
uit liefde doen sal dit hom ryklik beloon word. Want Ek Self gee hom weer
in dieselfde maat waarmee hy gemeet het, ‘n liefhebbende mens bedink dit
egter nie eers nie maar gee ook al kos dit hom en sy loon sal waarlik groot
wees in die hemel, want hy word steeds ryker, hoe meer hy die mense
304