DEEL 2 Reïnkarnasie - Ja of nee? - Nuweopenbaring

Hoe blind is die mense wat besittings versamel, wat hul verheug in hul
aardse besit en geen ander daaraan laat deelneem nie en hoe armsalig sal
hul lot wees na hul liggaamlike dood. Julle mense weet almal, dat julle lewe
op die aarde begrens is en tog gee julle lewe geen blyke van
voorsorgsmaatreëls vir julle eintlike lewe in die Ryk, wat waarlik bestaan,
maar wat baie verskillend kan wees in sy gesteldheid, omdat dit van julself
afhang, hoe julle dit vir julle vormgee. Julle sal daar ‘n baie liefdevolle
ontvangs ondervind, as julle op aarde liefde bewys het aan julle
medemens. Julle sal ontvang wat julself gegee het en julle sal waarlik geen
verlies hoef te ly nie, maar elke gawe, wat julle met ‘n liefdevolle hart
uitdeel, sal julle duisendvoudig gewin oplewer.
Beskou julself slegs as gaste op die aarde en alles wat julle besit, as
geleende goed, waarmee julle egter vry mag doen wat julle wil. Beheer dus
die goedere in die Gees van Hom, Wie julle dit gegee het; werk daarmee in
liefde en julle sal ‘n seën ervaar wat julle nie kan meet, solank julle op
aarde lewe nie. Julle keer dan ryk belaai terug in julle ware vaderland en so
gevorm, as wat julle dit eertyds verlaat het. Amen
Die uitwerking van dwaalleer in die hiernamaals
6462 27 Januarie 1956
Daar het baie valse opvatinge die mensdom binnengedring waaraan die wil
van die mense egter self skuldig is, anders sou die kragte van die duisternis
hul verwoestende arbeid nie kon uitoefen nie. Selfs die geringste nadenke
sou die mense laat insien dat hulle nie die waarheid aangebied word nie,
dog daaraan ontbreek dit hulle en hulle neem alles sonder nadenke aan. En
nou het hierdie dwaalleer so vas gewortel in die menslike denke dat dit
moeilik is om uit te roei. Die gevaar bestaan egter dat steeds meer
dwaalleer uit hierdie valse opvatinge ontstaan.
Daar kan geen geestelike vooruitgang behaal word, nog op aarde nog in die
ryk hierna, solank sulke dwaalleer nie reggestel en onskadelik gemaak
word nie, wat alleen deur die uitstuur van die suiwer waarheid kan geskied.
Maar dit is moeilik om ‘n bestaande leer reg te stel, want die insig wat daar
voor nodig is, vereis ‘n duidelik beeld van die Goddelike liefde en
verlossingsplan, wat dan die sinneloosheid van die valse leer bewys sodat
elke dwaling duidelik te sien is, as die mens ernstig is om die waarheid te
ken.
Gaan ‘n siel nou vervul van dwaling die geesteryk in, dan leef hulle daar in
die verkeerde gedagtegang verder en kan nie geestelike vooruitgang
behaal nie. Hulle neem die waarheid ook moeilik aan. Nog baie moeiliker is
dit om iemand wat meen dat hy alle kennis besit, tot die waarheid te bring,
as ‘n heeltemal onwetende, wat hom eerder laat leer en gewilliger is om die
waarheid te aanvaar. Die eersgenoemde sal eers tot nadenke kom as hulle
onbevrediging ervaar en gedurig in ‘n duistere toestand leef, of as hulle nie
385