DEEL 2 Reïnkarnasie - Ja of nee? - Nuweopenbaring

self weinig liefde het, nooit ‘n blyke van My Liefde mag verwag nie en
daarom ook die werk van My Liefde verhinder.
My woord is waarheid. Maar My beloftes stel ook steeds die vervulling van
My voorwaardes as vereiste. Dan sal ook elke belofte in vervulling gaan by
julle. Streef dus daarna om julle geloof te versterk, dit lewend te laat word
deur werke van liefde. Dan sal die krag van die geloof egter ook in julle
wees en My Liefde en Mag sal duidelik by julle merkbaar word. Amen
Die vereeniging van die geestesvonk met die
Vadergees
6575 17 Junie 1956
Wanneer die Gees in die mens tot die lewe ontwaak, dan is die verbinding
met My ook tot stand gebring. Want die Gees in die mens is ‘n vonk van My
Vadergees, hy is ‘n deel van My en sodoende dieselfde as Ek Self, sodat
julle nou ook tereg mag sê: "God is in my!". Want die Gees in julle ontwaak
eers dan tot lewe, wanneer julle die liefde beoefen en dan kan Ek ook as
die ewige Liefde Self in julle wees. Julle almal dra nou weliswaar hierdie
goddelike vonk in julle, maar hy kan deur julle eie wil - deur julle
lewenswandel - bedorwe word en so bly tot julle dood. Dan het julle, julle
lewe dus sonder God geleef, omdat julle sonder liefde geleef het en daarom
elke verbintenis met My na julle, onmoontlik maak. Maar julle het julle
aardse lewe geleef en sodoende ‘n groot barmhartigheid onbenut gelaat.
Julle het nie die doel van julle beliggaming as mens nagekom nie. Julle het
julle nie verenig met My nie, maar het in julle eieliefde bly vassteek, waarin
julle julself eens deur julle afvalligheid van My, begewe het. Om hierdie
vereniging moontlik te maak, het Ek julle deur ‘n groot daad van
barmhartigheid tegemoet gekom. Ek het vir die eerste keer ‘n vonkie van
My goddelike Gees in julle gelê en spoor julle nou gedurig aan om die
vonkie te laat ontbrand, deurdat Ek julle deur middel van lotgevalle in
situasies plaas, waarin julle vanuit ‘n goeie wil, werk in liefde kan verrig.
Dit was en is vir julle mense baie moontlik om die liefdesvonk in julle tot ‘n
vlam te laat word. Dit ontbreek julle waarlik nie aan geleenthede nie, maar
dit is ‘n daad van die vrye wil en julle kan dus ook versuim om in liefde te
lewe. Dan sluimer die Gees in julle en kan homself nie uiter nie. Julle het
dus nie die verbinding met My tot stand gebring nie en is dood, ofskoon
julle dink dat julle lewe. En julle aardse lewe is dan tevergeefs, omdat ‘n
lewe sonder God nooit tot vooruitgang kan lei nie, maar daarenteen die
verbinding met My teenstander aantoon. Ek Self kan dus nie in julle wees
nie, omdat julle die toegang van My tot julself belet deur julle liefdelose
toestand.
Hierdie toestand onder die mense is heelwat in teenstelling met dit, waarin
die mense hulself innig by My aansluit, waarin hulle in die liefde lewe en
hulself laat lei deur My Gees. Die eerste toestand is altyd dan te sien,
425