DEEL 2 Reïnkarnasie - Ja of nee? - Nuweopenbaring

4) Weer 'n miljoen van hierdie sonneheelalle, sirkel om hul sentraalson en
maak nou ‘n sonne-superheelal uit.
5) ‘n Ontelbare menigte sonnesuperheelalle swerf in groot bane om die
oersentraalson, die "oereerste van alle sonne en wêrelde" in ons heelal.
Dikwels onmeetlike snelhede en reusagtige aantrekkingskragte hou al die
stelsels telkens in ewewig en al hierdie stelsels en hulle sentraalsonne vorm
saam die ‘heelalsfeer’, ‘n onmeetlike bol met ‘n eie ordening en lewe. Vir
ons is hierdie onmeetlike groot heelalsfeer, soos wat die Meester sê:
"Eintlik maar net ‘n enkele punt in My groot skeppingsruimte", waarin die
baie miljarde heelalsfere, weer op oneindige groot afstande van mekaar,
saam die wêreldmens vorm, waarvan elke wese apart en tog ook weer
almal saam op weg (moet) wees na die Vader, aangesien die
verlossingswerk van Jesus Christus geld vir alle tye en ruimte.
Dit is God se Woord, wat hierdie hele skepping laat ontstaan het om ons
val in die diepte op te vang, wat ons ook weer tuis bring, in die Lig van God
se Gees.
En as julle dan lees dat hierdie wêreldmens minder as niks is in vergelyking
met die hemelmens, wat ook weer ‘n deel is van die volgende hemel
ensovoorts, dan verdwyn die idee van die oneindigheid totaal deur sy
volkome onvoorstelbaarheid. Dan stel julle julself in die Hand van God en
weet julle telkens dat slegs die "nou" belangrik is en dankbaar dat dit julle
plek is in die oneindigheid. G.F.K.
Geloofstryd – Antichris - Bely voor die wêreld
5622 11 Maart 1953
‘n Sterk beproewing sal aan Julle opgelê word in die laaste tyd voor die
einde en wat julle nie as moontlik beskou nie, sal gebeur. Want alle geloof
word bestry en as gevolg daarvan sal die mense hulle geloof onder mekaar
verloën, sodat niemand meer sy gesindheid laat sien nie en elkeen die
vyand sal wees van die ander. Maar hier vra Ek van julle, as My
aanhangers op aarde, ‘n openlike belydenis, want die tyd het dan gekom
waarvan geskrywe staan: "Wie My sal bely voor die wêreld, die sal Ek bely
voor My Vader". Want so ‘n belydenis kan nog vir baie ‘n bemoediging
wees, sodat hulle hulself nie sal verberg en ook geen aardse vyande sal
vrees nie.
Dit sal ‘n swaar tyd wees en tog hoef julle dit nie te vrees nie, solank julle
julself in gedagte met My verbind, want Ek is Self by julle en lei julle
skrede, julle woorde en gedagtes. Vrees hom nie, wat wel julle liggaam,
maar nie julle siele kan dood nie. Sodra dit oor julle geloof gaan, weet julle
ook dat die tyd gekom het wat Ek verkondig het en dat die laaste einde nie
meer veraf is nie.
Die voorafgaande geloofstryd is die laaste fase op die aarde en so seker as
wat dit sal ontbrand, so seker sal ook die einde kom waarna julle, My
166