DEEL 2 Reïnkarnasie - Ja of nee? - Nuweopenbaring

enut tot heil van julle siele. Want steeds is dit God Self wat julle deur
sulke waarskuwings nader, wat egter so gegee word sodat dit aan julle die
vryheid van julle wil laat en wat elkeen vry laat om met ‘n einde rekening
te hou al dan nie. Maar hulle wat sal glo, sal ‘n aansienlike voordeel hê,
omdat hulle hulle lewenswandel daarvolgens sal rig. Hulle sal moeite doen
om volgens die wil van God te lewe en om nog te groei tot aan die einde.
Maar tog sal ‘n volkome oortuigde geloof nog maar by baie weinig mense
gevind word, want dit is ‘n te geweldige gebeurtenis wat aan die mense
verkondig word.
Dit sal ‘n gebeurtenis wees wat niemand vir homself kan voorstel nie en
wat ook nog nooit beleef was solank mense die aarde bewoon het nie. Want
alle beëindigings van vorige verlossingsperiodes het verskillend afgespeel
en nooit sal dieselfde gebeurtenis homself herhaal nie. Dit is dus glad nie
moontlik om te bewys hoe die oplossing van die skeppings plaasgevind het
nie.
Maar die woord van God is die waarheid en Hy spreek gedurende elke
tydperk deur sieners en profete en verkondig wat ons te wagte staan, maar
sonder tydsaanduiding. En daarom twyfel die mense steeds aan hierdie
soort van openbaringe, terwyl die wat glo, salig genoem kan word.
Dit sal nie lank meer duur nie, dan sal die aarde ‘n nuwe fase van
ontwikkeling ingaan en dan begin daar ‘n nuwe periode met heeltemal
ander verhoudinge en lewensvoorwaardes. Die mense van dié periode sal in
‘n toestand van volwassenheid gekom het wat ook ander
lewensomstandighede en doele vra om hulle ontwikkelingsweg te voleindig.
Julle kan met sekerheid aanneem dat die tydsduur van julle lewe begrens
is, dat min die normale aardse lewensduur sal voleindig, maar eerder
opgeroep sal word in hulle jong jare om die aanstaande einde te belewe.
Daar kan egter slegs op die einde gewys word, sonder bewyse, terwille van
julle wilsvryheid, maar neem die aanwysings ernstig op en dit sal julle nie
berou nie.
Leef so asof more die laaste dag is, want die wêreld kan julle alleen maar
waardelose dinge bied wat julle nie met julle kan saamneem na die
ewigheid nie. Slegs ‘n korrekte lewenswandel volgens die wil van God kan
julle geestelike besit nog dermate vermeerder sodat die einde van die
aarde die poort vir julle kan open tot die ewigheid, waarin julle ryklik
geseënd aan skatte kan ingaan. Dit sal julle geen skade berokken wanneer
julle meer rekening moet hou met ‘n einde as met ‘n langer duur van julle
aardse lewe nie, want julle leer dan om nog bewustelik te lewe op aarde.
En hou julself dan ook besig met gedagtes aan die ewigheid, aan God en Sy
ryk en julle sal maar net na volmaaktheid strewe. Daar is vir julle nie veel
meer tyd oor nie, gebruik dit daarom na die beste van julle vermoë en die
seën sal nie uitbly nie. Want daarom word daar voortdurend op die einde
gewys, sodat julle aan die einde kan dink en daarvolgens kan leef op aarde.
Amen
404