DEEL 2 Reïnkarnasie - Ja of nee? - Nuweopenbaring

Maar wat julle siele die diepste sou verbly het, laat julle heel dikwels by
julself verbygaan. Julle het julle geestelike oor nog nie geskool nie en
verneem daarom nie die antwoord van My liefde nie. Julle almal, wat julself
met My verbind in innige gebed, kan julle deur My aangespreek voel. Wil
julle egter My woorde verstaan, waarna julle almal so verlang, dan moet
julle, julle geestelike oor leer. En dit is ‘n doel wat julle almal vir julself
moet stel, omdat dit die aardse lewe baie vir julle sal verlig. Want dit maak
julle waarlik gelukkig om My woorde te kan verneem wat vir julle almal
sonder uitsondering geld, die wat met My innige samespraak hou. Julle
almal sal baie krag en troos put uit die aanspreking wat julle deur My
ontvang, wat altyd slegs as ‘n gevoel en ‘n gedagte deur julle verneem
word, wat julle innerlike rus en die gevoel van geborgenheid sou kan gee,
julle sou dus waarlik getroos en versterk word deur My Vaderliefde, wat
onafgebroke vir al My kinders geld.
Daarom, as julle tot My bid in Gees en in waarheid, bly daarna in julle
denke, wat op My gerig is, volhard en julle siele sal in ontvangs neem wat
My Vaderliefde hom aangebied het. Want Ek neig My tot almal wat My
aanroep, wat innige samesprake met My hou en Ek wil hulle gee wat hulle
steeds verbly. Amen
Uitleg oor gevalle van besetenheid
5472 26 Augustus 1952
My kinders wil Ek steeds korrek onderrig en hulle kennis verskaf en dit is
My Wil dat ook hulle, wat nie wetend is nie, onderrig moet word. Vir die
mense beteken dit ‘n groot gevaar wanneer hulle hulself, in geval van
aardse nood, nie tot My wend nie, maar op eie krag en met hardnekkige
koppigheid hulle nood wil bemeester en dan ook daarmee klaarspeel. Dan
was dit egter nie hulle eie krag nie; maar hulle ingesteldheid, die
onbewustelike innerlike afwysing van Myself en veroorloof die kragte van
die duisternis, om hulle krag van benede toe te voer en gevolglik ook die
wil van die mens in beslag te neem om steeds meer en meer invloed te
verkry.
Die mens hoef nie na buite toe kenbaar te wees nie, maar in trots en
arrogansie en in aardse rykdom is die aanwysings te sien, dat die mag van
benede besit van hom geneem het. Die nalaat van goeie werke onder
eiebelang, ongevoeligheid vir die nood van die medemens en oorgrote
genotsug, laat steeds net die wêreldse mens ken, wie geen binding met My
het nie, teen wie egter ook geen openlike oortreding van die wet in te bring
is nie.
Vir sy medemens kom hy goed en regverdig voor, maar sy siel is sonder
liefde en sonder geloof aan My. En sy einde sal nie salig wees nie, die aarde
hou hom in die ban, in die hiernamaals begeer hy nóg sy goedere, omdat
hy niks anders besit het nie en sy begeerte na die wêreldse te groot was.
123