DEEL 2 Reïnkarnasie - Ja of nee? - Nuweopenbaring

ereik? Dit is alleen maar nodig dat julle julself vorm tot liefde, waartoe
julle mense ook die krag verskaf word, wanneer julle dit ernstig wil en
Jesus om Sy bystand vra.
Slegs weinig word van julle gevra, maar onmeetlik baie word julle gebied
en tog strewe weinig mense na die graad, wat julle ‘n lewe in die hoogste
geluksaligheid oplewer. Julle moet kinders van God word, vol liefde verlang
na die Vader, julle moet julle aan Hom in Sy Oerwese aanpas, d.w.s. netso
tot liefde word. Julle wese word egter nog baie oorheers deur eieliefde en
julle dink alleen aan die aardse lewe, maar nie aan die lewe na die dood
nie. Julle vra julle nie af, waarom julle op aarde is nie, julle probeer die
bedoeling daarvan nie te deurgrond nie, veeleer beskou julle die lewe as
doel opsigself, terwyl dit tog alleen maar die middel tot die doel is. En
daarom laat julle die tyd op aarde onbenut verby gaan, julle gebruik julle
lewenskrag verkeerd, d.w.s. alleen vir die bereiking van aardse goedere,
wat verganklik is. Aan julle lewe na die dood, aan die onvergankelikheid
van julle siele dink julle egter nie en julle sal dit eens bitter berou as julle
insien dat julle vir goed iets verloor het, wat julle maklik kon verkry het.
Maar God let op julle wil, Hy oorreed of dwing julle nie, maar Hy waarsku
en vermaan julle ononderbroke, Hy stuur bodes op julle weg wat julle Sy
Wil moet verkondig, Hy tree julself tegemoet in die vorm van lyding en
nood en toon julle die verganklikheid van die aardse. Hy laat geen middel
onbeproef om julle tot insig te bring nie, maar Hy laat julle ook steeds die
vryheid om self te besluit. En daarom sal julle julself aan Hom moet
verantwoord, want julle sou julle doel kon bereik, as julle, julle wil reg sou
gebruik. Amen
Aardse nood moet lei tot kontak met God
5491 20 September 1952
Alles op aarde word gegee vir julle vervolmaking. Julle kan in elke situasie
groei, maar julle kan ook hardnekkig en met bitterheid in julle ontwikkeling
agteruitgaan omdat julle ‘n vrye wil het, wat nooit deur uiterlike invloede
gedwing kan word om ‘n spesifieke houding aan te neem nie. Julle moet uit
die diepte van julle hart wil groei, dan sal alles julle ook dien om volmaak
te word. Want dan sal julle deur God se wil gegryp word om lief te hê, wat
altyd geleendhede skep vir julle om julself te vorm en waaraan julle slegs
julself moet gee om opgehef te word. Julle word almal ‘n mate van guns
gegee; hoe kan julle enigsins terugval of faal in julle geestelike
ontwikkeling as julle van hierdie guns gebruik maak? Want die seën is ‘n
betroubare effektiewe middel van hulp, dit is ‘n spesiale soort hulp wat
slegs na omhoog lei, want wat julle deur die liefde van God aangebied word
lei ook na Hom.
Goddelike geskenke van guns bevat uitsonderlike krag en moet daarom nie
afgewys word nie. Daarom moet alle aardse teëspoed ook as ‘n seën
129