DEEL 2 Reïnkarnasie - Ja of nee? - Nuweopenbaring

ook skade aan die mense berokken sal word, sal die siel tog alleen maar
oorwin of beswyk. En daarom strek die afloop van hierdie stryd hom uit tot
in die Ewigheid.
Daarom doen Ek vooraf alles om die mense op hierdie stryd voor te berei,
om hulle te versterk en om hulle belydenis moed in te boesem. Ek probeer
om die leër van My "stryders" te vergroot. Nie omdat Ek wil oorwin nie,
maar sodat hulle ook self die vrugte van ‘n oorwinning sal oes. Want Ek wil
nie dat hulle ten gronde gaan en opnuut gekluister word deur My
teenstander nie en dan weer gevange bly vir ‘n eindelose lang tyd nie.
Julle, mense, bekommer julle tans weinig oor die geloof. Julle is onverskillig
oor wat belangrik is, naamlik die geestelike strewe. Julle moet eers geskud
word om in erns ‘n standpunt in te neem ten aansien van die geloof. En dit
sal gebeur sodra die geloofstryd ontbrand, want daarom word van iedereen
geëis om My te bely voor die wêreld, of My te verloën en op te gee. En
daarom sal julle eers ‘n standpunt inneem wanneer julle toegewyd is, of My
sonder bedenkinge sal opgee terwille van aardse voordele.
En omdat die einde op hande is, daarom is hierdie besluit noodsaaklik. Nie
vir My nie, omdat Ek julle wil ken. Maar julle moet nog self eenmaal
aangespoor word tot nadenke, omdat julle dit nie uit julself sal doen as
julle nie deur ‘n wêreldse mag gedwing word nie.
Daar is wel sommiges wat voor die tyd al daaroor nadink en wat daarom
ook My sigbare hulp ervaar, waardeur Ek hulle die herkenning vergemaklik.
Tog is dit slegs weiniges, sodat Ek hulle getal sou wil vermeerder, omdat Ek
hulle wil wys op die einde.
(1 Oktober) Maar hierdie weiniges sal nouliks geloof vind, want hulle wat geen
geestelike strewe het nie, dink ook dat ‘n einde van hierdie aarde
onmoontlik is. Maar die verskyning van die eindtyd sal nie sonder invloed
by hulle verbygaan wat nog nie besluit het nie. Hulle sal nadenkend word
en tot die geloof terugkeer, as hulle gedurende hierdie tyd goed onderrig
sal word.
‘n Goeie en waarheidsgetroue onderrig kan nog groot sukses behaal, sodat
daar waar ‘n afval van die geloof op verkeerde geloofsleringe plaas gevind
het, weer terug te lei is, veral waar die mense nie onwillig is om te glo nie
en aan ‘n valse leer aanstoot geneem het. Hulle kan weer gewen word vir
My en My Ryk en terwille van hierdie weiniges sal nog baie tekens gebeur
wat die naderende einde sal verkondig en ook nie sonder uitwerking op
hulle sal bly nie.
Die geloofsbesluit sal dan eers geneem word wanneer ‘n sterk geloof
aanwesig is, Want die mens wat die ware insig het, weet waarom dit gaan.
Hy gee met ‘n ligte hart dit op wat mense van hom neem, om die lewe van
die siel nie in gevaar te bring nie.
Dit is die laaste toets van die wil op hierdie aarde. Dit is hierdie besluit dat
julle My bely voor die wêreld, wat julle lot in die Ewigheid bepaal, ongeag
die aardse uitwerking op julle beslissing. Slegs ‘n sterk oortuigde geloof sal
204