DEEL 2 Reïnkarnasie - Ja of nee? - Nuweopenbaring

kan tot groot krag vir hulle wees. En as die oomblik van herkenning
aanbreek, dan is die siele oneindig dankbaar en gelukkig.
Dan eers herken hulle die sorg wat na hulle uitgegaan het en hulle neem
nou op dieselfde manier die sorg op vir die siele wat nog in die duister
smag. Dit help hulle ook weer om opwaarts te gaan, want elke siel verlang
na hulle met wie hulle eens innig verbind was op aarde.
Daar is ‘n weersiens, maar die tydstip wanneer dit moontlik is, bepaal
julleself. As julle op aarde die nodige kennis bereik het, dan sal julle ook
alles doen om ’n hoër graad van volwassenheid op aarde te bereik wat
toegang tot die ligsfeer moontlik maak. Julle sal dan ontvang word deur
hulle van wie julle hou en hulle sal julle herken, of dat julle sonder om deur
hulle herken te word, met hulle in verbinding kan kom, om dan met hulle te
begin met julle verlossingsarbeid.
Sorg in elke geval daarvoor dat julle nie heeltemal sonder insig van die
aarde af heengaan nie. Sorg daarvoor dat julle reeds die weg tot God in
Jesus Christus gevind het, dat julle verlos deur Hom kan ingaan in die
geesteryk. Dan sal die ingaan julle reeds alle salighede skenk, wat bestaan
uit die verlange na weersiens. Soms sal julle egter lank moet wag, as
julleself die volwassenheid nie op aarde bereik het nie. Want alles kan slegs
volgens wetlike orde plaasvind en die vryheid van julle wil moet ook in die
geesteryk geëerbiedig word, omdat julle eens salig sal word. Amen
Verskynsel in die kosmos
6313 16 Julie 1955
Baie spoedig sal julle julself kan vergewis dat daar iets in die kosmos aan
die voorberei is, want ongewone verskynsels, waarvan julle vir julself geen
voorstelling kan maak nie, sal julle verontrus. Baie gissings sal opduik en
baie menings op teenoorgestelde menings sal ontstaan. Maar slegs die
mening van hom wat ‘n verbinding vermoed tussen wat aangekondig is in
woord en geskrif en deur profete en sieners te alle tye aan die mense
verkondig is, sal volgens die waarheid wees.
Wie alles met geestelike oë sal beskou, sal ook al die verskynsels vir
homself kan verklaar. Want alles het ‘n geestelike betekenis en moet dus
ook ‘n geestelike doel vervul, naamlik om die mense opmerksaam te maak
op hulle eintlike lewensdoel, sodat hulle hulself kan voorberei op die
komende oordeel. En ook die wetenskap sal hiertoe bydra, want hulle sal
die veranderinge in die natuur eers konstateer en die verskynings en
ongewone voorvalle in die kosmos sal hulself agterdogtig maak. En dit sal
belangrike verskynsels wees waarvoor die verklaring hulle egter sal
ontbreek. Hulle sal dit weliswaar sien gebeur en ontsteld staan, maar nie
bereid wees om enige korrekte verklaring te aanvaar nie, naamlik dit, dat
die aarde geskud sal word op sy fondamente, want hierdie verskynsels dien
daartoe.
344