DEEL 2 Reïnkarnasie - Ja of nee? - Nuweopenbaring

Hy sê van Homself: “Ek is die weg, die waarheid en die lewe". Dus wie die
waarheid en die lewe soek, moet die weg neem via Jesus Christus, hy moet
gebruik maak van Sy bemiddeling, hy moet die krag van Hom vir homself
vra om die weg oor die aarde te kan aflê met die resultaat wat die doel van
die lewe is, om die vereniging met die Vader te vind, wat eens ‘n lewe in
geluksaligheid verseker, ‘n lewe wat ewig duur.
Die mense weet nie welke lot hulle tegemoet gaan deur hul onverskilligheid
en hul ongeloof nie, hulle weet nie wat hul daardeur verspeel, as hulle geen
ag slaan op die Goddelike woord, dat hulle nie tot Hom hul toevlug neem
Wie hulle alleen kan red van ondergang, hulle weet dit nie en glo nie die
woorde van hulle wat wel hiervan op hoogte is en hulle sal wil help nie.
En of van bo ook die woord klink, hulle neem dit nie aan nie want hulle
luister na ‘n ander stem, na die stem van die wêreld, waarmee God's
teenstander hulle aanspreek en vir wie hulle gewillig hul ore open. Hulle
soek nie die lewe nie, inteendeel die dood; hulle wys Hom af Wie hulle die
lewe beloof en hulle sal daarom volhard in sonde en bly in die dood, omdat
daar sonder Jesus Christus geen verlossing is en geen terugkeer in die
Vaderhuis. Amen
God se liefdesteken
5961 19 Mei 1954
Laat julle gevange neem deur My liefde en julle sal vry word van hom, wat
ontbloot is van alle liefde en julle daarom van My liefde wegtrek, wanneer
julle na hom luister. My liefde omsluit julle waarlik met ‘n vaste band en
bind julle as te ware vas aan My en tog sal julle hierdie ketting in vreugde
en geluksaligheid verdra en dit self nie meer wil losmaak nie. Julle sal
julself aan My as julle God en Meester onderwerp en in My ook julle Vader
erken wat julle vrywillig tegemoet kom om ook julle liefde aan My te
betuig.
Die ketting van My liefde is geen dwang vir julle nie. Julle sal julself waarlik
vir ewig nie meer van My Wil verwyder nie, maar is tog heeltemal vrye
skepsele. Julle is My "kinders" wat na My toe kom as erfgename van die
Vader en dus met My kan werk om skeppend salig te wees. Want Ek
omsluit julle ook nie teen julle wil met die ketting van My liefde nie. Ek wag
tot julle julself laat bind, tot julself met aandrang na My toe kom, sodat Ek
julle kan vasgryp om julle nooit meer te laat gaan nie.
Omdat julle egter wil dat julle met My verbonde is en bly, spreek Ek julle
aan, omdat Ek wil dat julle My leer sien as julle God en Vader, Wie se liefde
aan julle behoort sedert die begin, sodat julle My ook self as Liefde sal sien.
Want julle moet My eers herken om dan ook na My toe te kom en Ek sal
julle opheldering gee, omdat dit nog donker is in julle. Ek is nog so ‘n
verborgenheid vir julle oë dat julle My nie kan herken nie en daarom ook
257