DEEL 2 Reïnkarnasie - Ja of nee? - Nuweopenbaring

weer beslis die graad van liefde, die hulpvaardigheid, die wil om die naaste
by te staan en sy situasie te verbeter, want Ek sal almal help wat die nood
van hulle medemens vir hulself sal aantrek.
Maar baie sal dit swaar te verduur hê, wanneer hulle slegs op hulle eie krag
moet vertrou; of wel sigbaar hulp van benede sal ondervind, wanneer hulle
woes te werk sal gaan ten koste van hulle medemens. Die nood op aarde
sal groot wees, netsoos die chaos wat ontstaan het deur onvoorstelbare
dade van vernietiging. En tallose mense sal nou ook die geloof in ‘n God en
Vader opgee, omdat hulle gevoelig getref was, maar hulle geloof was maar
‘n vormgodsdiens wat nie by ‘n ernstige beproewing kon standhou nie.
Daarom maak Ek julle al vooruit daarop attent op wat gaan gebeur, sodat
julle as mens kan standhou en weet dat dit My plan is; dat julle weet dat Ek
ook Meester is oor die geweld van die natuur en dat dit My ook maklik
geval om die mense te help wat My al vroeër om hulp gevra het. Ek hoef
dit nie aan julle te openbaar nie, Ek sou ook plotseling kon ingryp en alle
mense verras het, maar dan sou geen mens ook in My wou glo nie. Ek wil
egter hê dat julle My erken en julle sal dit ook kan doen as alles so gebeur
soos wat dit verkondig is, want julle sal dan ook weet dat niks op die aarde
kan geskied sonder My wil nie. En julle kan julle na My wil voeg deurdat
julle julself in volle geloof aan My oorgee en My om beskerming vra.
Daarom stuur Ek julle ook die kennis van wat op hande is. Daarom wy Ek
julle in My heilsplan in en daarom versoek Ek julle, My dienare, om
dringend en voortdurend julle kennis aan julle medemens deur te gee. Die
verbinding met My sal julle sekerste beskerming wees teen dit wat ook al
mag kom. En hy wat My teenspeler is in die eindtyd, sal ook verskyn en sal
die hef in die hand neem, omdat die groot nood dit vir hom maklik sal
maak en hy sal nou ook maatreëls uitvaardig wat sy verbondenheid met
Satan sal bewys. Hy sal baie aanhangers vind en sy heerskappy sonder
gewetensbeswaar uitoefen. Hy sal ook probeer om die swakgelowiges van
My te ontruk, maar sal egter ook van My kant af teenstand ondervind.
Want Ek voorsien Myne van groot krag en hoe groter die nood skyn te
word, des te sterker sal Myne wees, omdat hulle van My en My
teenwoordigheid bewus sal word en nou sonder vrees of skroom sal spreek
wat My Gees hulle sal ingee.
Maar dit alles moet die einde voorafgaan, omdat daar nog oor elke siel
geworstel sal word en die groot nood nog mense na My toe sal voer wat
nog in die laaste uur na My sal roep en daardeur die lot van ‘n hernude
kluistering sal ontgaan. Amen
Heilswerking van Gods woord - Opwekking - Lewe
6768 21 tot 23 Februarie 1957
My woorde beteken vir julle Gees en lewe. Julle kan nie in die lewelose
toestand van die siel bly, as julle My woorde laat deurdring in julle harte
517