DEEL 2 Reïnkarnasie - Ja of nee? - Nuweopenbaring

steeds maar net in besit geneem kan word deur die wêreld prys te gee.
Laat die wêreld los as julle binne wil gaan in My ryk. Amen
Innerlike weerstand - Hindernisse om die waarheid
aan te neem
6170 20 Januarie 1955
Sonder weerstand moet My woord aangeneem word wanneer dit weerklink
in die hart van ‘n mens. Die geringste weerstand maak die mens nie by
magte om dit in sy suiwerheid te hoor nie, want weerstand beteken om
teenoorgesteld te dink, wat My teenstander die moontlikheid gee om binne
te sluip al is dit maar om afweer in die mens op te roep om die ontvang van
die waarheid te verhinder. Verder sal sy krag nie reik nie, omdat die
ontvanger van My woord hom bewus met My verbind en sy weerstand uit
verlange na die waarheid wegvloei en hy dan alleen weerstand daarteenoor
stel wanneer volgens hom die waarheid in gevaar is. Tog is hierdie
weerstand nie reg nie, omdat ‘n mens wat hom met My verbind om My
woord te ontvang, hom nou ook heeltemal aan My moet oorgee en seker
daarvan kan wees dat Ek hom beskerm teen onware geestelike leringe.
Daarom is daar maar weinig mense geskik om My woord te ontvang omdat
die meeste ‘n kennis het wat hulle nie graag bereid is om op te gee nie.
Daarom moet daar ‘n sterk geloof wees om alleen dit as waarheid te laat
geld, wat Ek Self na die aarde stuur deur die werksaamheid van My Gees.
Mense wat ‘n bepaalde kennis in hulle opgeneem het wat met die deur My
regstreeks gesproke woord nie in ooreenstemming is nie, is moeilik bereid
om dit aan te neem, omdat hulle dan hul hele denke moet verander, maar
‘n buitengewone sterk verlange na die waarheid is daarvoor nodig. Om
hierdie mense met My regstreekse woord te seën, sou daarom onmoontlik
wees, omdat in hulle steeds die weerstand sou ontwaak, sodra My woord
afwyk van hul kennis en denke tot nou toe en dan sou My teenstander weer
‘n maklik spel hê om die mense aan die twyfel te bring. En die mens moet
glo dat Ek Self tot hom spreek en daarom alle dwaling uitgesluit is.
Eers dan is dit moontlik om ‘n volledig misvormde leer weer te suiwer, eers
dan is dit moontlik om die teenstander onskadelik te maak. Maar hoe
dieper die dwaling al in ‘n mens gewortel is, des te moeiliker bevry hy hom
daarvan en daarom sal hy My woord nie regstreeks kan hoor nie, omdat
enige weerstand soiets onmoontlik maak.
Die stryd tussen lig en duisternis word juis daar besonder heftig gevoer
waar die lig baan wil breek. En alleen ‘n sterk wil wat op My gerig is,
verjaag die vyandige kragte wat van benede is. So'n wil egter sal Ek seën
en nooit meer toelaat dat hy verswak word deur vyandige kragte nie. Maar
ook sal Ek die mens steeds die insig gee wanneer hy aangeval word, sodat
hy hom sal bewapen en hom nog inniger met My verbind, om dan ook
beskerm te wees teen enige invloed wat van benede kom.
315