DEEL 2 Reïnkarnasie - Ja of nee? - Nuweopenbaring

Die insig egter het slegs weinig mense op die aarde, want om dit te kan
begryp en te glo is in die eerste plek die wil nodig om dit alles te wil weet,
maar die verlange na insig is maar selde by die mense aanwesig.
Daarenteen is die menslike wil uitermate sterk daarop gerig om hom die
skepping soveel as wat moontlik is tot nut te maak, dat dit die liggaamlike
lewe tot voordeel strek. Weliswaar help die mense daardeur onbewus die
nog in die skepping gebonde geestelike omhoog, omdat dit nou kan dien al
is dit ook onder die wet van jy moet maar welke wins lewer dit hul siel op?
Teenswoordig word daar baie materie deur die menslike wil opgelos,
sielepartikeltjies word daardeur vry en hierdie word dan volgens Goddelike
Wil omvorm tot nuwe skeppings waaraan ‘n dienende funksie toegewys
word wat die geestelike onvermydelik opwaarts laat klim. Die mens bevry
dus iets geesteliks uit die materie, maar hy self kan daarby in sy
ontwikkeling bly staan of ook nog agteruit gaan, as hy nie tegelykertyd sy
medemens in vrye wil behulpsaam is nie. En omdat hy immers self nie
meer onderworpe is aan die, jy moet, wet, kan en moet hy sy positiewe
ontwikkeling self deur vrywillige werk van liefde bespoedig.
En sodra hy dit bewus doen om steeds met die wil sy medemens van diens
te wees, kan so ‘n aardse aktiwiteit ‘n onvermoede seën vir sy siel oplewer,
selfs as hy nie op hoogte is van die ontwikkelingsgang van die geestelike
nie, selfs wanneer hy niks weet van die sin en die doel van die aardse lewe
en van die skeppings van hierdie aarde nie. En hy hoef ook dit alles nie
persé te weet nie, as hy maar vrywillig diensbaar is in liefde. Maar meestal
word die mens deur liefde gedryf om besig te wees, wat egter nie
naasteliefde is nie, dit is slegs die liefde vir hulself. En kan sy aktiwiteit ook
‘n skadelike uitwerking op sy medemens hê, omdat die eieliefde des te
meer bevrediging vind, hoe kariger die medemens daardeur gehelp word.
Die eieliefde het egter ook ‘n ongunstige uitwerking op die skeppingswerke
wat die mens as arbeidsterrein toegewys is, deurdat dikwels vroegtydig die
ontwikkeling van die geestelike in sulke skeppingswerke afgebreek word en
dit terwille van eie voordeel, omdat die eieliefde indruis teen die Goddelike
orde en daarom ook die handelwyse van die mens heeltemal teen die
Goddelike ordening gerig is.
Selfs as sulke mense, by wie die eieliefde nog voorop staan, op hoogte is
van die sin en doel van die skepping en die aardse lewe, sou hulle tog hul
verkeerde manier van lewe en handel teen die Goddelike ordening nie
opgee nie, omdat die eieliefde hulle geheel beheers en hulle vir ‘n ander
denkrigting ontoeganklik is. En hierdie mense kom in ‘n gesteldheid in die
geesteryk wat heeltemal ontsettend is, want hulle kan hul eieliefde nou nie
meer bevredig soos op aarde nie en die weg na die ware liefde, na die
liefde vir die naaste is vir hulle oneindig lank en dikwels heeltemal nie te
vind nie.
Die mens wat alleen van homself hou, neem dus ook die liefde vir die
materie met hom saam in die hiernamaals. En die kwytraak van hierdie
346