DEEL 2 Reïnkarnasie - Ja of nee? - Nuweopenbaring

Wanneer die geloofstryd nou ontbrand, dan word dit duidelik sigbaar deur
die manier waarop dit gebeur welke mag aan die werk is. En hierdie tyd
moet eers kom, omdat Ek nie ingryp voordat dit nodig is nie, om die siele
nog geleentheid te gee tot verandering van wil en geloof, wat deur die
optrede van die sataniese mag agterdogtig word en hulle daarom nog sal
besin.
Die mense moet hard aangegryp word, want hulle luister nie meer na die
stem van die Vader wat hulle liefdevol aanspreek nie. Die stem van Satan
kan egter nog op sommige siele ‘n bepaalde uitwerking hê en ‘n ommekeer
na My toe veroorsaak, maar slegs as die mens nog ‘n vonkie geloof in hom
het tot Jesus en hulself eerder aan hierdie Jesus toevertrou as aan hom
wie se boosheid hulle nou herken. Die sterk geloof van Myne wat ten spyte
van die groot verdrukking nie van My afvallig word nie, wat hoe meer hulle
bedreig word, des te meer My Naam bely, sal hulle tot nadenke bring.
Julle moet julle staal vir die laaste geloofstryd terwille van julself. Maar ook
terwille van julle medemens, wat julle deur julle geloof sal kan help om in
Jesus te glo wat wil help en ook sal help as die nood ondraaglik sal word;
wanneer Satan sy werk volbring het, as Myne met die dood bedreig word
en slegs Ek hulp aan hulle sal kan bring.
Dan sal Ek kom en Myne wegneem. Ek sal hulle nood en verdrukking
beëindig, maar ook almal wat hulle teen My verset het, teregstel op die
laaste dag van hierdie aarde. Dan sal daar geloof en geprys word deur
Myne en die ander sal die dood vrees. Dan het die dag gekom waarvan
geskryf staan; dat Ek sal oordeel die lewendes en die dooies, die gelowiges
en die ongelowiges. Want My Woord wat die waarheid is, sal vervul word.
Amen
Aardse kennis in die hiernamaals
5331 7 Maart 1952
Elke insig wat julle op aardse wyse vir julle verwerf het, is vir julle
nutteloos, want dit is vir julle slegs van waarde solank julle op aarde leef.
Gaan julle egter die ryk hierna binne, dan is elke herinnering daaraan vir
julle verlore, as julle nie geestelik vir julself ‘n graad van volwassenheid
verwerf het wat julle geskik maak vir die ryk van die lig nie, waar julle
helder en duidelik alle kennis en ook julle aardse kennis, wat julle dan
bygebly het, in geval van nood kan gebruik. Maar vir ‘n gestorwe
ongelowige siel sien dit dan sleg daaruit. Want hoe meer hy besit het aan
aardse kennis, soveel te meer word hy van die armsalige toestand bewus
wat nou heeltemal sonder kennis blyk te wees, homself weinig of heeltemal
gladnie kan herinner nie en homself op geen enkele manier kan onderskei
nie. Aan so 'n ongelowige siel ontbreek dit ook dikwels aan die herinnering
aan sy lewensomstandighede op aarde en hy vind die herinnering eers dan
terug as hy moeite doen om omhoog te kom tot die lig. Dan is hy egter ook
94