DEEL 2 Reïnkarnasie - Ja of nee? - Nuweopenbaring

Julle insig sal baie omvangryker wees as wat dit moontlik is om alles te
bestudeer en julle geloof waaragtiger wanneer julle My gebooie van die
liefde tot God en julle naaste onderhou, want dan is julle waarlik wys en
innig met My verbonde. Dan is julle ook geskik om julle medemens te
onderrig en aan hulle die gevolg van ‘n opregte lewenswandel te verkondig.
Dan is julle ware verteenwoordigers op aarde en predikers volgens My wil,
want dan put julle al julle kennis uit julself en My Gees in julle lei julle dan
in die suiwer waarheid. Julle besit dan ‘n kennis wat julle nie van buite af
verkry het nie, maar wat julle blywend deur My barmhartigheid ontvang.
Dan het die "Bron van die Lewe" Homself geopen, dan stroom die lewende
water uit die "Bron van My Liefde" tevoorskyn, waaraan julle julself almal
moet lawe. Maar julle moet dan ook hierdie verfrissende drank vir julle
medemens aanbied, sodat hulle ook daardie suiwer water mag proe. En as
hulle van goeie wil is, sal hulle die "water" (My woord) nimmer wil misloop
nie.
Alle mense sou hulle aan hierdie "Bron van die Lewe" kan lawe, maar net
min weet hoe om hierdie bron te vind. Hierdie min is egter nie tevrede met
hulle onwetendheid nie en soek die Waarheid, so sal hulle, hulself na My
toe wend as die ewige waarheid en bid vir ‘n verkwikkende drank, wat Ek
sekerlik nie van hulle sal weerhou nie.
Skep daarom uit die "Bron van die Lewe" en ontvang met ‘n dankbare hart
wat My liefde vir julle aanbied. Waardeer die groot barmhartigheid om deur
Myself onderrig te word, want julle sal nog baie krag nodig hê, wat julle
slegs uit My woord wat julle van bo ontvang, kan kry, want die woord het
Ek geseën met My krag. Amen
Bevryding uit die diepte deur Jesus Christus
5153 17 Junie 1951
Die kruis van Christus is die teken van hoop vir almal wat gevalle en in hul
toestand ongelukkig voel, is dit op aarde of in die hiernamaals. Die kruis
van Christus wys hulle dat daar steeds verlossing is, ‘n uitweg is, waarlangs
mense moet loop om uit die diepte en die ryk van duisternis in die oggend
van lig te kom.
Die kruis van Christus is die wegwyser na omhoog, wat nooit op ‘n
dwaalspoor bring nie. Rede: Die Een Wie op die kruis uit liefde vir die
sondige mensdom gesterf het is die Een wat hierdie weg geopen het. Hy
het die koop-prys met Sy bloed vir die siele betaal, vir die wat hulself in die
diepte bevind. Elke siel kan hierdie genade gebruik.
Hierdie weg is nou oop na omhoog vir elke siel, op voorwaarde dat hy Jesus
Christus as sy doel gekies het, dat hy uit die diepte Hom wil bereik! Dan
het hy ‘n eis aan verlossing! Die Goddelike Verlosser Self hef hom uit die
diepte op. Dan word sy sonde weg gewas met Sy bloed. Die sondeskuld
26