DEEL 2 Reïnkarnasie - Ja of nee? - Nuweopenbaring

erken My, maar dit ontbreek hulle aan die lewend geloof in My. Hulle is
alleen behep met woorde wat in hulself nog nie lewend geword het nie,
anders moes die werking van My woord by hulle te sien wees. Hulle het self
nog nie beproef wat ‘n lewend geloof kan vermag nie. En wanneer iemand
hul ‘n voorbeeld gee, bestry hulle hom, omdat hulle sy geestelike
superioriteit voel en hulle vol nyd insien dat Ek die bystaan terwyl hulle self
nog nie daarvoor gevra het nie.
Dog in die laaste tyd voor die einde sal daar meer mense kom in wie die
gawe van die Gees tot uiting kom. Mense wat hulle so innig met My verbind
dat hulle alles wat hulle doen, alleen met My verwesenlik vanuit My wil en
onder die aanroep van My Naam. Op allerlei maniere sal hulle blyke gee om
My afgesante te wees, want alles wat ‘n met My Gees vervulde mens doen
wys op My en My ryk. Alles verraai ‘n besondere krag waaroor hy alleen
beskik omdat hy My deur hom laat werk, omdat sy geloof in My en die krag
van My liefde so sterk is dat dit hom onbeperk toestroom en hy daardeur
ook sy medemens op bonatuurlike wyse onbeperk kan help. Want hy is van
liefde tot hulle vervul en die liefde gee hom die direkte krag uit My, dus sal
dit vir hom ook moontlik wees om alles tot stand te bring. Amen
Die aardse lewe is die weg, maar nie die doel nie
5897 1 Maart 1954
Die wêreld is julle tot toetssteen van julle wil gegee, d.w.s. julle moes in ‘n
arbeidsveld geplaas word wat julle aanspoor om julle wil in ‘n bepaalde
rigting te lei. Hierdie wêreld kan dus nie aanvaar word nie, maar moet
oorwin word deur die mens wat die doel wil bereik. Die laaste beliggaming
van die siel, die geestelike in die mens op hierdie aarde, is beslis
noodsaaklik omdat daar vir julle ‘n moontlikheid geskep moes word om
julle vrye wil te gebruik, wat voorheen gebonde was deur julle vroeëre
afval van My.
Want ‘n siel wat hierdie laaste beliggaming wil ontwyk kan ook nie in besit
kom van ‘n vrye wil nie, want sy groot weerstand teen My sal dit nie toelaat
nie. Eers wanneer die siel bereid is om op aarde die weg van die dienende
liefde te gaan, word hy die genade van die beliggaming gegee. Want
hierdie bereidwilligheid getuig van die graad van volwassenheid wat vir die
laaste wilsproef nodig is. Ook is elke siel vir sy binnegaan in die te
verwekte liggaam bereid om hierdie laaste gang te gaan omdat dit hom die
vrywording uit die vorm kan bring en hulle ook die wil het om vry te word.
Die siel verloor egter alle herinnering aan die verlede. Hulle betree sonder
enig besef hierdie aarde en maak nou ‘n langsame ontwikkeling deur. Hulle
leer om hul wil te gebruik, hulle word opgevoed en verder word hulle deur
My op alle wyse hulp gebied om tot insig van die goeie en regte te kom, om
in vrye wil nou ook die goeie en regte te doen.
242