DEEL 2 Reïnkarnasie - Ja of nee? - Nuweopenbaring

is. Die dwaling en die leuen rig heillose verwarring aan en beroof die mense
van alle insig, dit is geen lig maar kom uit die diepste duisternis.
Tree daarom moedig teen dwaling en leuens op, omdat julle in die waarheid
‘n wapen het wat julle die oorwinning verseker. Ek het julle uitverkies as
My stryders en julle sal moet stry met die "swaard van die mond", julle sal
nie bang moet wees dat julle van een van julle medemense hul
liggelowigheid ontneem nie, want dit is nie dienstig vir die mens om hom te
voltooi as dit vals is nie. Maar julle kan iets goeds, suiwers en
buitengewoon doeltreffend daar teenoor stel: die waarheid wat julle van
Myself ontvang het. Julle sal meer kan gee as wat julle van hulle afneem,
julle ontruk hul siele aan die mag van My teenstander en lei hulle na My.
Amen
Opheldering oor gevoelens van verwantskap -
Sielepartikels
5207 9 September 1951
Tussen mense bestaan daar dikwels verborge betrekkinge waarvoor julself
geen verklaring kan vind nie en waaraan die samestelling van die siel ten
grondslag lê. Want die siele kan deur die aard van hulle samestelling totaal
soortgelyke siele ontmoet en hierdie gelyksoortigheid laat ‘n gevoel van
verwantskap in die mens opkom, wat hy egter nie met sy verstand kan
verklaar nie. En daarom kan sulke opwellinge van die gevoel ook nooit
wetenskaplik nagevors word nie, maar is dit alleen geestelike gevoelens
wat tot uitdrukking kom en waarvan die oorsaak ook maar net geestelik
duidelik gemaak kan word.
Die hele skepping is wel in elke siel begrepe, maar net soos ook die
skepping in homself die mees verskillende werke laat sien, net soos ook die
dierewêreld blyke gee van ‘n onvoorstelbare veelvormigheid, so is ook die
mensesiele, elkeen op sy eie wyse, verskillend, omdat die samestelling van
iedere siel anders is, wat ook die verskille tussen die mense begryplik
maak, wat ondanks ongeveer dieselfde uiterlik vorm, volgens hulle karakter
en gevoel van mekaar afwyk en juis ook aan hierdie verskille te herken is.
Maar tydens hulle lewe op aarde kan sodanige siele mekaar ook teëkom
wat ‘n duidelike ooreenkoms te siene sou kan gee, wanneer ‘n mens die
geestelike sou kan waarneem, want die vorm en die aard van die siel is net
waarneembaar met geestelike oë. Maar die siele self word van hulle
verwantskap gewaar en voel hulself daarom buitengewoon tot mekaar
aangetrokke, wat egter nie verwar mag word met suiwer liggaamlike
aandrang na ‘n verbintenis nie.
Die psigiese samehorigheid is herkenbaar aan duidelike ooreenstemming in
die denke en gevoelens van die mense, in harmonie op geestelike gebied
en dieselfde strewe, in ‘n gevoel van verbondenheid met mekaar wat
liggaamlik nie tot uitdrukking gebring hoef te word nie.
56