DEEL 2 Reïnkarnasie - Ja of nee? - Nuweopenbaring

Die weg van heil - Die weg van liefde - Jesus
Christus
5157 23 Junie 1951
Die weg van heil is die weg wat Jesus Christus gegaan het, die mens Jesus,
Wat op aarde die groot missie vervul het om vir alle mense uit die verlede,
die hede en die toekoms die weg na God te baan, die almagtige Skepper
van hemel en aarde. Hierdie missie was belangrik, omdat Hy as mens met
dieselfde vyandige kragte moes stry soos alle ander mense en Hy tog die
bewys gelewer het dat dit moontlik is, om hulle baas te raak deur gebruik
te maak van die ware wapen. Want nie as God volbring Hy die werk nie,
ofskoon Goddelike krag hom in alle volheid in Hom openbaar tydens Sy
onderrigtende werksaamheid, maar om hierdie krag te ontvang, moes Hy
as mens hierdie stryd met sukses voer. En so lewer Hy ook die bewys
daarvoor dat ‘n mens in volle besit van Goddelike krag en wysheid kan kom
en dit toon ook die weg wat Hy self gegaan het, die weg van die liefde, wat
lei na die vereniging met God en daardeur ook na die besit van lig en krag
in alle volheid.
Die mens Jesus Christus leef heeltemal vanuit die Wil van God en al Sy
strewe was daarop gerig om nader tot die deur Hom herkende Vader te
kom. Die liefde vir die Vader vervul Hom en uiter Hom in die liefde vir die
medemens. Want ‘n hart wat vol is van liefde, kan nie anders as om alles
binne bereik van sy liefde trek nie, omdat dit tot geen ander gevoelens wat
teenoorgesteld is aan die liefde in staat is nie. Dus die liefde was die wapen
wat Hy aangewend het in die stryd teen die kragte wat Hom tot val wou
bring. Want die liefde skenk die krag, sodat Hy nooit kon verloor nie, omdat
Hy deur die liefde in ‘n sekere sin met Sy hemelse Vader saam teen die
vyand stry en Hy daarom die sege moes behaal. Die liefde kan niemand
weerstaan nie omdat dit die oerkrag is waar alles, ook die teenstander van
God, eens uit voortgekom het, gevolglik moet dit sterker wees as alles en
ook hom oorwin wie Hom nie wil erken nie.
Die mens Jesus gaan die weg van die liefde en dit voer regstreeks na God.
Dus het Hy die weg gebaan en alle mens vry gemaak, want almal kan die
weg nou gaan met die sekerheid om die doel te bereik.
Hy alleen is die weg van heil, Hy alleen is die enigste weg wat deur die
vyand van die siel nie begaan word nie, waarop die mens veilig is teen alle
aanvalle, want op die weg van die liefde word hy deur Jesus Christus Self
begelei, wat vir hom ‘n ware Leier is en hom ook vol sorg behoed teen ‘n
terugval of ‘n afwyk van die regte weg. Wie Hom navolg, gaan tegelykertyd
met Hom en hy moet sy doel ook bereik. Hy het vir alle mense die stryd
met die teenstander van God uitgeveg.
Maar Hy vra ook aan diegene wat Hom wil navolg op die weg van heil, dat
hulle sal stry teen die ander d.w.s. dat hulle ook die wapen van die liefde
aanwend, waarmee alleen, hulle hom kan verslaan.
28